GMN TV Politika Xanana fila hikas mai Timor-Leste, Husu MUTL konsentra ba estuda

Xanana fila hikas mai Timor-Leste, Husu MUTL konsentra ba estuda

0 views

Xefi negosiadór prinsipal Fronteira Marítima, Kay Rala Xanana Gusmão, Segunda (3/12/18), to’o hikas Timor-Leste, hafoin hala’o servisu ba interese Timor-Leste (TL) nian iha rai liur. Nune’e Xanana to’o iha TL Xanana hala’o mos vizita ba grupu Movimentu Universitáriu Timor-Leste (MUTL) hodi fo korajen ba estudante sira atu konsentra ba estuda, hodi lalikan lakon tempu ba manifestasaun.
Movimentu Universitáriu Timor-Leste (MUTL) hala’o demonstrasaun fulan hirak nia laran ona hodi eziji ba Parlamentu Nasionál atu labele sosa kareta foun ba deputadu sira, ho rajaun tanba povu sei moris kiak hela. Maibe deputadu Parlamentu Nasionál sira la importa no kontinua insiste hodi sosa nafatin kareta foun ba deputadu, nune’e MUTL sira la satisfeitu hodi demonstrasaun ne’e sai anarkizmu hodi membru Polísia sira hurlele entudante MUTL sira.
Kay Rala Xanana Gusmão, fila mai Timor-Leste horiseik, iha Aeroportu Nicolau Lobato Comoro Díli, la fo komentáriu ba jornalista. Tanba ne’e, iha Xanana nia programa vizita mezeu rezistensia nasionál, aproveita mos ba hato’o hela mensajen ba MUTL sira atu kolma hodi hanoin ba estuda, tanba futuru nasaun ne’e joven sira-nia liman.
“Imi Halo demonstrasaun ne’e imi nia direitu atu protesta, haree buat ne’ebé sala, haree buat ne’ebé los. Nova jerasaun futuru ne’e iha imi nia liman. Ha’u husu ba estudante sira atu estuda, estuda, hodi prepara-an”,deklara Xanana Gusmão iha estudante MUTL sira nia leet, iha Kampus Ekonomia, Kaikoli, Díli, bainhira ba hato’o nia mensajen ba estudante sira.
Xanana afirma, mundu agora avansadu ba oin, tanba ne’e estudante sira tenki aprende hodi estuda atu lori dezenvolvimentu ne’e ba oin hodi labele lakon tempu. “Imi buka aprende sala ne’ebé ami halo. Ne’e duni prepara-an hodi hadia, hatutan”,dehan tan lider karismátiku Xanana Gusmão.
Xanana dehan tan, iha rai barak ne’ebé hamahon-an iha g7+, ukun an kleur ona, maibe sira nian Estadu to’o agora sei frajil hela.
“Ha’u la’o ba rai barak iha g7+ ne’e Estadu laiha, demokrasia laiha, direitu umanu laiha. Ne’ebé ita la a’at liu. Ha’u dehan, ita la a’at liu atu labele dehan ita labele kontra Estadu, lae. Koalia Sim, koalia. Ha’u husu ba imi atu estuda”,dehan tan Xanana.
Xanana Gusmão ne’ebé agora asume mos kargu hanesan reprezentante espesiál ba diskuti fronteira terrestre entre Timor-Leste ho Indonézia ne’e dehan, tempu agora estudante sira prepara-an hodi priense dezenvilvimentu ba Timor-Leste. “Loron ruma imi sei hadia ita-nia rai ne’e ba diak. Hakoak bo’ot ba imi hotu”,hateten Xanana ba manifestante MUTL sira no estudante sira kontenti no fo viva ba maun Xanana.
Tuir Xanana, iha loron 8, fulan ne’e, nia sei ba halo aprezentasaun kona-ba servisu ne’ebé nia halo iha rai liur kona-ba prosesu sosa asaun husi kompañia petrolífera sira hanesan ConocoPhilips no Shell ninian ba povu tomak no mos entidade sira atu bele inteira no komppriende.
Antes ne’e mos, Primeiru Ministru, Taur Matan Ruak, husu ona ba MUTL tomak atu hanoin mak estuda, tanba Timor-Leste presiza ema matenek hodi lori dezenvolvimentu ba oin.mia


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker