GMN TV Politika Xanana husu PR Lú Olo promulga lei fundu petrolíferu ■PM Taur: La promulga, sei tau millaun USD 650 iha OJE

Xanana husu PR Lú Olo promulga lei fundu petrolíferu ■PM Taur: La promulga, sei tau millaun USD 650 iha OJE

36 views

Xefi negosiador prinsipal Fronteira Marítima, Kay Rala Xanana Gusmão, husu ba Prezidente Repúblika, Francisco Guterres ‘Lú Olo’ atu promulga lei atividade fundu petrolífera ne’ebé Parlamentu Nasional halo ona alterasaun no oras ne’e iha hela nia meja leten.

Xanana Gusmão hato’o pedidu ne’e, bainhira halo aprezentasaun iha semináriu nasionál kona-ba fronteira marítima ho akordu ne’ebé Timor-Leste asina ona ho kompañia petrolífera sira hanesan ConocoPhillips ho Shell hodi sosa partisipasaun empreza rua ne’e nian iha kampo mina Greater Sunrise ba partisipante tomak Sabadu (8/12/18), iha Centro Convenções de Díli.

“Ha’u ho hakraik an husu ba Prezidente Repúblika atu promulga lei atividade fundu petrolífera, tamba ne’e laos interese ema ida nian ,maibe ne’e interese nasaun no povu nian. Ha’u husu ba Governu Primeiru Ministru atu realiza seminariu ida atu ema hotu komprende kona-ba Timor-Leste sosa asaun 2 ne’e atu nune’e Governu bele tau osan iha OJE 2020 ba selu asaun hirak ne’e”, dehan Xanana Gusmão, no hetan basa liman maka’as husi partisipante tomak.

Lider karismátiku ne’e mos fiar, Prezidente Repúblika sei promulga lei atividade fundu petrolíferu atu bele lori dezenvolvimentu ba Timor-Leste.

Tuir eis Prezidente Repúblika, Kay Rala Xanana Gusmão, katak, ideia halo semináriu nasional kona ba FM ne’e mai husi Prezidente Repúblika, Francisco Guterres ‘Lú Olo’, maibe infelismente Prezidente Repúblika mak la marka prezensa fali.

“Semináriu ne’e ideia husi Prezdeinte Repúblika nian, maibe nia laiha”,dehan tan Xanana Gusmão.

Entretantu Primeiru Ministru (PM), Taur Matan Ruak, mos reforsa ideia Xefi negosiador prinsipal fronteira marítima Kay Rala Xanana Gusmão nian atu husu ba PR Lú Olo promulga lalais tiha lei atividade petrolíferu ne’e ba Timor-Leste nia di’ak.

“Ha’u reforsa maun bo’ot Xanana nian para que husu Prezidente Repúblika bele promulga. Mas se Prezidente la promulga lei ne’e, orsamentu agora ami tau millaun USD 650 ba sosa (asaun) Shell ho ConocoPhillips, no Governu ne’ebé ha’u lidera prontu para halo debate iha Parlamentu”,dehan PM Taur bainhir apartisipa seminariu nasional kona-ba FM ne’e.

Tópiku ne’ebé Xefi negosiador prinsipal Fronteira Marítima (FM), Kay Rala Xanana Gusmão, aprezenta iha semináriu nasionál ne’e mak kona ba fronteira marítima iha tasi Timor, rejime tranzitóriu iha tasi Timor ne’ebé tuir tratadu FM, dezenvolvimentu gretaer sunrise no dezenvolvimentu iha tasi mane.

Semináriu nasionál ne’e lahetan partisipasaun husi Prezidente Repúblika, Francisco Guterres ‘Lú Olo’ no mos lideransa opozisaun FRETILIN sira inklui Mari Alkatiri, maske Gabinete Fronteira Marítima atribui ona karta konvite ba sira.tos


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker