Ministru Reforma Lejislativa Asuntu Parlamentar (MRLAP), Fidelis Magalhães, hateten, atu hamosu ka kria kampu traballu iha Timor-Leste, tenke fó kapasitasaun ba setor privadu sira iha área oi-oin.
“Hakarak kria kampu traballu depende fatór barak, setor privadu tenke hetan kapasitasaun asesu ba finansa no lei ba rai tenke prontu, ita-nia rai depende ba Orsamentu Jeral Estadu (OJE), setór públiku mak iha persentajen boot liu iha ita-nia ekonómia“,MRLAP ne’e ba jornalista sira, foin la-lais ne’e iha Parlamentu Nasional (PN).
Nia esplika, kria kampu traballu mós tenke haree kona-bá redusaun korupsaun no kualidade instituisaun, depois de buat hirak ne’e la’o, tenke kontinua treina rekursu umanu, maibé difísil atu kompete wainhira kapital umanu fraku.
“Ita boot sira presiza hatene, atu kria kampu traballu 6000, objetivu polítika atu bele kria kondisaun no kria oportunidade, hatúr iha programa governu no PN rasik, hodi aprova ba tinan 5, porgramas no piral xave ne’ebé governu iha, governu tenke implementa to’o meta hirak ne’ebé governu hatúr tiha ona iha programa governu”, tenik governante ne’e.
Entretantu, iha Kinta, loron 19, fulan ne’e, Oitavu Governu konstituisionál ne’ebé lidera husi Primeiru Ministru (PM), Taur Matan Ruak,submete ona proposta Orsamentu Jeral Estadu (OJE) tinan 2020 ba Parlamentu Nasional (PN) ho montante USD billiaun 1.668. ety
