GMN TV Politika Eis Frente Klandestina lamenta maneira entrevista CH

Eis Frente Klandestina lamenta maneira entrevista CH

0 views

Eis Frente Klandestina sira lamenta ho maneira entrevista husi pesoal Comissão Homenagen (CH) ne’ébé halo verifikasaun dadus veteranu iha munisípiu sira, tanba konsidera pesoal husi CH nia pergunta la ajuda veteranu sira hodi deklara informasaun loloos.

“Veteranu Frente Klandestina sira ne’e halo audiénsia ho Prezidenti Parlamentu Nasional (PN), Arão Noe, hamutuk ho komisaun F ne’ebé trata asuntu sosial no veteranu, hodi husu atu halo interpelasaun ho Sekretáriu Estadu Asuntu Kombatente Libertasaun Nasional (SEAKLN), Gil da Costa Monteiro, tanba deskontenti ho atendimentu pesoal CH ne’ebé halo verifikasaun ba dadus veteranu sira. Eis Frente Klandestina sira ne’e senti hetan diskriminasaun husi pesoal CH sira iha kada munisípiu, tanba kestaun tékniku hanesan étika husi CH hodi halo entrevista ho veteranu sira dala barak julga dehan veteranu falsu no organizasaun ida ne’e la ezisti no pergunta ne’ebé tékniku sira husu la’os atu ajuda veteranu sira-nia hanoin hodi deklara informasaun ho loloos kona-bá sira-nia partisipasaun, maibé maibé julga no diskredita veteranu sira”, Primeira Vise Prezidenti PN, Maria Angelina Sarmento ba jornalista sira iha PN, Kuarta (11-12-2019).

Nia akresenta, eis frente klandesitina sira ne’e husu atu resolve situasaun ida ne’e, duke ki’ik boot lori malu ba tribunal.

“Ita presiza ko’alia ba malu, órgaun soberanu PN mak halo lei kona-bá estatutu veteranus ni’an, tanba Estadu rejistu atu hetan rekoñesementu husi Estadu, pesoal ne’ebé servi Estadu atu bele hala’o sira-nia kna’ar hodi valoriza no tane ás veteranu sira, mak hahu ho aktu ne’ebé la di’ak no la justu. Ho problema hirak ne’e PN sei konvida SEAKLN halo interpelasaun iha PN, hodi fó esplikasaun ba deputada sira bazeia faktu no evidénsia sira”, tenik Maria.

Tuir planu iha tempu badak komisaun F PN sei organiza reuniaun ho SEAKLN atu hetan esklaresementu, kuandu iha ona informasaun komisaun F sei bolu eis frente klandestina sira ne’e mai tur hamutuk, hodi solusiona problema hirak ne’e. ety


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker