Vise Xefi bankada Frente Revolucionário do Timor-Leste Independente (FRETILIN), Francisco Miranda Branco, konsidera, dau-daun ne’e iha ministériu balun asesór mak komanda fali no sira hala’o kna’ar hanesan Ministru.
“Maske fó fiar no fó poder ona Xefe Governu, maibé realidade la’e, iha ministériu balun asesór prinsipal maka manda fali no hala’o kna’ar hanesan Ministru“,Vise Xefi bankada FRETILIN ne’e ba GMN iha Parlamentu Nasional (PN), Tersa (10-12-2019).
Nia akresenta, ho situasaun ida poder informal mak komanda VIII Governu, ho nune’e halo governasaun VIII Governu kontinua la’o hakdasak.
“Poder informal komanda Xefi Governu, entaun situasaun no realidade hanesan ne’e, governu labele iha progresu la’o ba oin, tanba la’o hakdasak hela no rezultadu negativu iha povu nia moris”, tenik Francisco.
Entretantu tuir observasaun husi bankada FRETILIN hatudu katak, ezekusaun Orsamentu Jeral Estadu (OJE) 2019 foin atinji porsentu 60 no povu kontinua halerik ba bee moos, maske VIII Governu ukun durante tinan 2 ona kontinua laiha rezultadu. ety
