GMN TV Politika Governu sei submete fali OJE 2020 ba PN iha loron 19 ■Agio Pereira: Adia tanba halo redusaun ba OJE

Governu sei submete fali OJE 2020 ba PN iha loron 19 ■Agio Pereira: Adia tanba halo redusaun ba OJE

0 views

Oitavu Governu  Konstitusional ne’ebé lidera husi Primeiru Ministru (PM), Taur Matan Ruak adia fali loron aprezentasaun proposta Orsamentu Jeral Estadu (OJE) tinan 2020 ba Parlamentu Nasional (PN), tanba antes ne’e promete sei aprezenta iha loron 13, fulan ne’e.

“Ohin ha’u simu tiha ona karta husi PM, Taur fó hatene mai PN katak, governu labele kumpri tempu ne’ebé Xefi Governu promete iha plenária, ne’ebé hateten iha loron 13, fulan ne’e, atu submete fali OJE 2020 ba PN“, Prezidenti Parlamentu Nasional (PN), Arão Noe ba jornalista sira iha salaun Comissão Nacional de Eleições (CNE), Kolmera-Díli, Kuarta  (12-12-2019).

Xefi Órgaun Legislativu ne’e, informa, razaun governu seidauk submete proposta OJE 2020, tanba Xefi Governu husu tempu atu armóniza ka halo  ajustamentu ba OJE, tanba ne’e, governu sei aprezenta fali OJE 2020 iha loron 19, fulan ne’e.

“Ami fiar molok final fulan Janeiru, tinan 2020, ita aprova ona OJE  2020, tanba governu submete OJE iha loron 19, fulan Dezembru ne’e no PN tama ona feriadu Natal, maibé ami kompromete sei aprova iha final fulan Janeiru, tinan 2020“, tenik Arão.

Antes ne’e, PM, Taur Matan Ruak, retira proposta OJE 2020, iha loron 3, fulan Dezembru ne’e, tanba iha indísiu artigu balun inkonstitusional no montante OJE 2020 boot liu, hafoin debate proposta OJE iha PN ba loron daruak iha faze jeneralidade.

Redusaun ba OJE

Nune’e Governu adia tempu atu submete proposta Orsamentu Jeral Estadu (OJE) 2020 nian iha Sesta (13/12) semana ne’e, maibe  ba fali semana oin, tanba sei halo konsulta ho ministériu sira ne’ebé kontribui ba redusaun OJE ne’e.

 “Aban (Sesta ohin –red) sei kontinua revizaun,tamba sei koalia mós ho Prezidensia Republika, Parlamentu, Ministériu tomak,tanba hatun osan ne’e hatun barak tuir komisaun sira husi parlamentu sira nia krítikas ne’ebé ami rona no rejista, ne’ebé hanesan orsamentu foun ida. Entaun tenki prepara mós livrus hirak ne’e atu haruka ba parlamentu ne’ebé planu Governu nian konklui audisaun ho ajensia ho instituisaun hotu-hotu ohin (Kinta –red) ho aban depois semana oin mai mak halo Konsellu Ministrus extra ordináriu ida hodi aprova no hatun ba Parlamentu Nasionál”, esplika  Koordenadór Ekipa Ajustamentu Orsamentu Jerál Estadu, Agio Pereira ba JNDiário, Kinta (12/12), iha Ministériu Finansas Aitarak laran.

Ema numeru daruak iha Oitavu Governu konstitusional dehan redusaun OJE ba tinan 2020 ne’e,sei sai hanesan proposta orsamentu foun nune’e sira sei konsulta ajensia, instituisaun Estadu, Parlamentu Nasionál no Prezidente Repúblika hafoin aprova iha Konsellu Ministru no submete hikas ba Parlamentu Nasionál.

Primeiru Ministru, Taur Matan Ruak dada hikas proposta Orsamentu Jerál Estadu 2020 husi debate jenralidade iha Parlamentu Nasional, tanba membru Parlamentu sira  konsidera  proposta OJE nee inkonstitusionál.

Hafoin retira proposta OJE nee, Primeiru Ministru Taur  Matan  Ruak, promote atu lori hikas ba parlamentu iha loron (13/12), fulan Dezembru ne’e, maibé adia ba loron seluk, tanba  Ekipa Ajustamentu Orsamentu Jerál 2020 ,sei halo konsulta ho ministériu sira ne’ebé, kontribui ba redusaun Orsamentu.

Kordenadór Ekipa Ajustamentu, Agio Pereira, esplika Governu sei hatún Orsamentu Jerál Estadu (OJE) 2020 ,tuir krítika parlamentu nian, nune’e wainhira Governu submete fila-fali,ba Parlamentu Nasionál sei sai hanesan OJE foun.

Tuir planu Governu, ekipa ajustamentu orsamentu, sei termina faze audénsia ho ministru sira, iha semana oin no sei realiza Konsellu Ministru Estráordinária ida, hodi aprova OJE foun ne’e, molok submete ba Parlamentu Nasionál (PN).

Proposta OJE 2020 iha inisiu ho montante billaun USD1.950 no tuir ejijensia bankada Parlamentar  hakarak hatun ba  billaun USD1.3.ety/Tos


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker