GMN TV Politika Governu seidauk informa ba PN atu aprezenta OJE iha loron 13

Governu seidauk informa ba PN atu aprezenta OJE iha loron 13

Primeiru Vise Prezidente Parlamentu Nasionál (PN), Maria Angelina Sarmento, hateten, dau-dauk ne’e PN seidauk simu informasaun formal husi governu kona-bá proposta Orsamentu Jeral Estadu (OJE) 2020, maske loron 13, fulan Dezembru, tinan ne’e, sai data ne’ebé governu promete atu submete proposta OJE 2020 iha PN.

“Governu presiza haruka karta ida mai, sé la konsege kumpri data ne’ebé determinada iha plenária presiza iha komunikasaun formal husi governu ba PN no deklara ba PN katak seidauk bele parezenta OJE tuir loron ne’ebé termina ho razaun tékniku ka polítiku, ka razaun saída deit governu presiza halo karta, maski agora, loron besik dau-dauk ona, maibé PN seidauk simu informasaun formal ruma husi governu kona-bá OJE 2020”, Primeiru Vise Prezidenti PN ne’e ba jornalista sira iha PN, Kuarta (11-12-2019).

Hatán ba preokupasaun ne’e, Sekretáriu Estadu Komunikasaun Sosial (SEKOM), Merício Akara, hateten, tempu badak Primeiru Ministru (PM), Taur Matan Ruak sei halo karta ba PN kona-bá OJE 2020.

“Karta husi Xefi governu sei mai iha PN, ita hotu hakarak halo proposta OJE ho di’ak tenki tuir lei no regras bazeia ba deputadu, governu agora liu husi ekipa ne’ebé Xefi Governu forma servisu ho sériu ami sei rona husi ekipa refere servisu to’o iha ne’ebé, depois maka ita hatene kona-bá tempu. Kona-bá tempu governu sei mantein nafatin ho loron 13, fulan ne’e, ka iha mudansa ruma Xefi governu maka sei haruka karta mai iha PN. Ha’u dehan ekipa ne’ebé lidera husi Prezidenti Konsellu Ministru (KM), Agio Pereira, durante semana ida servisu ho sériu tebes, ami sei rona sira-nia servisu remata ona mak foin deside loron fiksu, OJE mai fali hodi responde preokupasaun deputadu sira ni’an, tanba kompeténsia governu fó nafatin proposta ba PN mak halo debate “, tenik Merício.

Tuir data ne’ebé   determina husi Xefi Governu, sei lori proposta lei ne’e ba PN iha loron 13, fulan ne’e, hodi halo audiénsia ho komisaun espesial iha PN ho governante sira ne’ebé kompetente.

Entretantu proposta OJE 2020 ne’e ninia alokasaun boot liu ba bens servisu, tanba kuaze millaun USD 727 resin. ety


Banner

Foto

Notisia Ikus

MS: Posibilidade Governu sei aplika KO iha teritóriu nasionál

July 26, 2021
Ministra Saúde (MS), Odete Maria Freitas Belo, ...

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...
1 2 3 620

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker