GMN TV Politika Kazu Lighthouse seidauk iha substánsia finál ''TL multa millaun USD 500 ne’e la loos''

Kazu Lighthouse seidauk iha substánsia finál ''TL multa millaun USD 500 ne’e la loos''

0 views

Prezidente komisaun B, ne’ebé trata asuntu Defeza Seguransa no Negósiu Estranjeiru, Adérito Hugo da Costa, hatete, substánsia ba kazu kompañia Lighthouse Corporation seidauk final, tanba  kompañia refere manan de’it iha jurisdisaun Austrália nian.

Adérito rejeita informasaun ne’ebé hateten katak, Timor-Leste atu selu multa ho montante osan dólar amerikanu millaun USD 500 ba kompañia Lighthouse, tanba ne’e falsu.

“Informasaun ne’ebé fó sai husi notísia formal sira Austrália nian ne’e, prosesu ida atu define estatutu ne’e, estatutu kazu ne’e atu rezolve jurisdisaun Timor nian ka Austrália nian, tanba kontratu ne’e iha Timor, entre governu Timor ho kompañia Lighthouse, iha klauza balun hateten katak, bainnhira disputa ka dezentendimentu ruma,  tenke mai iha jurisdisaun Timor nian, tanba ne’e, agora ne’e sei haksesuk malu hela ba ida ne’e katak, estatutu kazu ne’e atu rezolve iha jurisdisaun Timor ka tribunal Austrália nian. Iha nível ida dahuluk, kompañia Lighthouse manan, maibé la’os manan iha kontestu manan iha problema la’e, maibé manan kontestu definisaun jurisdisaun Austrália bele ka la’e prosesa problema ne’e, maske ita-nia governu halo rekursu, maibé supremu tribunal pronunsia katak, manan Lighthouse iha direitu atu husu prosesu ne’e halo iha Austrália, uza jurisdisaun Austrália nian,  maibé ita seidauk temi manan ba nia  substánsia, balun temi dehan millaun USD 300 balun dehan millaun  USD 500 ne’e laloos, maibé loos mak manan definisaun Lighthouse nia rekerimentu”,klarifika  deputadu Adérito Hugo da Costa ba jornalista sira iha PN, Segunda (16/12/2019).

Deputadu komisaun B ne’e afirma, Tuir kontratu ne’ebé iha entre governu Timor-Leste ho kompañia Lighthouse ne’e, tenke rezolve tuir jurisdisaun Timor-Leste nian, maske kompañia refere hatama rekerementu atu rezolve de’it iha jurisdisaun Austrália nian, tanba ne’e mak problema refere ladauk iha solusaun.

“Ita seidauk halo julgamentu katak, se mak sala no  se mak loos, sa tán ko’alia kona-bá númeru kompensasaun millaun USD 300 ka millaun USD 500, tanba ne’e públiku presiza akompaña didi’ak, polítiku sira ne’ebé koko atu interpreta tama iha asuntu ne’e, favor ida interpreta ho loloos, para labele halo espekulasaun ba públiku. Substánsia husi problema ne’e mak foin atu define jurisdisaun ne’e, rekerimentu Lighthouse ne’e bele rezolve iha jurisdisaun Austrália ka la’e, tanba tuir kontratu ne’e hateten katak, kualker disputa ne’ebé parte rua iha kontratu ne’e, tenke rezolve jurisdisaun Timor nian”, dehan Hugo.

Kazu ne’e akontese, bainhira empreza Austrália ne’ebé ho naran Lighthouse Corporation keixa governu Timor-Leste iha Tribunal Supremu Austrália, tanba Timor-Leste kansela kontratu ne’ebé asina iha tinan 2010, atu fornese kombustível no jeradór mai Timor-Leste.

Maibé Timor-Leste deside hodi hapara kontratu ho kompañia lighthouse ne’e, tanba konsidera kompañia Austrália refere, ladun fó klareza mai governu Timor-Leste.

Tanba ne’e, kompañia Lighthouse Corporation ezije Timor-Leste atu fó multa ba kompañia refere, kuaze millaun USD 500.say


Banner

Foto

Notisia Ikus

Armanda Berta deklara kandidata-an ba PR, promete kumpre deit K-RDTL

January 21, 2022
Prezidente Partidu Kmanek Haburas Unidade Nasion...

Laiha konbustível ba kareta funeráriu, PN kritika MSSI halo servisu la hatene

January 21, 2022
Parlamentu Nasionál (PN), kestiona maka’as ka...

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker