GMN TV Politika KM aprova OJE 2020 ho montante biliaun USD 1.668

KM aprova OJE 2020 ho montante biliaun USD 1.668

0 views

Konsellu Ministru (KM), aprova ona Orsamentu Jerál Estadu (OJE) 2020, ho montante Biliaun USD 1.668, iha Kinta (19/12), hafoin hetan redusaun husi ekipa ajustamentu orsamentu 2020 nian.

Ho aprovasaun nee iha lokraik, governu  apresenta kedas proposta lei Orsamentu Jeral Estadu nian ba 2020 nee ba Parlamentu Nasional hodi baixa ba Komisaun sira hodi halo audensia ho minietriu relevante sira, antes lori ba Plenaria iha tinan oin mai.

Proposta lei Orsamentu Jeral Estadu tinan 2020 nebe proposta inisial Biliaun USD1.950 nee ekipa ajustamentu konsege redus Millaun USD 282, nunee tun ba Biliaun USD1.668.

“Ohin aprovasaun nee ninia montante total nee fiksu ona USD 1.668 Biliaun ,maibe iha ninia diskriminasoens por kategoria ami sei halo revizaun oituan ,tamba ohin iha Konsellu Ministru iha mudansa oituan konsoen balun entaun nee ami sei fo sai iha lokraik wanhira ami aprezenta ba Parlamentu Nasional. Ita redus orsamentu nee husi USD1.950 Biliaun ba USD1.668 Biliaun esklui tiha RAEOA/ZEESM ,esklui tiha imprestimu,no Uniaun Europeia. Esklui nee hau hakarak esplika ba ita boot sira katak,ida nee parte husi orsamentu nee laos atu esklui,maibe nee parte husi aprezentasaun orsamentu ne’ebé mak sei aprezenta iha Parlamentu Nasional ne’ebé laos atu esklui husi dokumentus lae”, dehan Ministra Finansas Sara Lobo Brites,ba Jornalista sira  iha Palásiu Governu.

Governante nee esplika montante ida Biliaun USD1.668 kompara ho tinan kotuk boot liu ,maibe ita redus montante balun ne’ebé mak la afeita direitamente husi fundu minarai, entaun nee kiik liu fali orsamentu ne’ebé maka ita atu foti husi fundu minarai.

Sara Lobo esplika, husi total Orsamentu Jerál Estadu (OJE) tinan 2020, ne’ebé aprovadu iha Konselu Ministru ne’e,inklui reseita sira,ne’ebé mai husi RAEOA-ZEESM, fundu ne’ebé finansia husi Uniaun Europeia, no impréstimu hodi kobre ba nesesidade programa, no prioridade nasionál sira ne’ebé VIII Governu defini ona.

Tuir Ministra Finansas, OJE ba tinan 2020 haktuir ba prinsípiu fundamentál 5 hanesan, sustentabilidade fiskál iha tempu médiu no longu prazu nian, aliñamentu ho prioridade nasionál sira, kapasidade ezekusaun orsamentál, kapasidade halo absorsaun ba ekonómia lokál no kualidade orsamentu nian.

Antes ne’e proposta Orsamentu Jerál Estadu tinan 2020 Governu prevé USD 1.950 Biliaun ,maibé Parlamentu haruka governu dada hikas proposta orsamentu ne’e, iha loron (2/12), tanba parlamentu konsidera orsamentu ne’ebé bo’ot, no artigu balun inkonstitusionál. Tos


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker