GMN TV Politika Manuel Tilman: PN ho Governu laiha koordenasaun diak

Manuel Tilman: PN ho Governu laiha koordenasaun diak

0 views

Jurista Timor-oan, Manuel Tilman, konsidera, Parlamentu Nasionál (PN) ho VIII Governu Konstitusional hanoin lahanesan no laiha koordenasaun di’ak, tanba PN ezije governu atu redus Orsamentu Jeral Estadu (OJE) 2020 ho montante biliaun USD 1.950 tu’un ba biliaun USD 1.668, maibé Parlamentu Nasionál rasik lakohi redus nia orsamentu privativu, maske governu haruka ona pedidu ba Parlamentu Nasionál atu redus.

Tanba ne’e, Manuel Tilman mós apoia krítika Laureadu Novel da Paz, José Ramos Horta, ne’ebé krítika Parlamentu Nasionál, kona bá lakohi atu reduz sira-nia orsamentu.

“Krítika ida eis Prezidente Repúblika, José Ramos Horta halo ba PN ne’e mós loos, tanba PN obrigra governu hatun tiha nia orsamentu, maibé orsamentu privativu ida ba PN ne’e la hatun fali ne’e, ne’e tanba demokrasia ne’e mak eis Prezidente Repúblika ne’e krítika PN ne’e, depois PN rasik mós kontradis fali ho governu ida ne’ebé propoin orsamentu ne’e”,hateten Manuel Tilman ba GMN, iha nia rezidensia Praia dos Coqueiros, Díli, Sesta (27/12/2019).

Manuel Tilman haktuir,  tuir loloos, Parlamentu Nasionál tenke koopera di’ak hodi diskute proposta orsamentu refere, liu-liu iha faze preparasaun ne’ebé inklina mós orsamentu privativu PN nian, nune’e, labele iha hanoin ne’ebé kontradis, entre órgaun rua, liu-liu bankada apoia governamental ne’ebé iha Parlamentu Nasionál, labele kestiona no deklara fali atu vota kontra.

“Tuir lolos Parlamentu Nasionál atu aprova nia orsamentu privativu ne’e tenke koordena ho ministériu finansas. Polítikamente ita hanesan país foun, maibé responsabilidade polítika tenke iha”, tenik Tilman.

Antes ne’e, eis Prezidente Repúblika, José Ramos Horta mós kestiona, tanba Parlamentu Nasionál  nu’udar órgaun ne’ebé reprezenta povu, lakohi reduz nia orsamentu, maibé sira ezije Governu atu redus OJE 2020.

Tanba ne’e, Laureadu Novel da Paz ne’e mós ejize Parlamentu Nasionál atu sai ezemplu ne’ebé di’ak ba povu, tanba povu barak sei moris terus.

Hafoin governu deside retira proposta OJE 2020 iha PN, iha loron 3 fulan Novembru tinan ne’e, hafoin hetan relatóriu husi komisaun C ne’ebé trata asuntu finansa públika no rona deklarasaun deputadu sira nian, hodi halo redusaun ba montante ne’ebé konsidera bo’ot demais.

Hafoin ne’e, governu haruka hikas pedidu ida ba Parlamentu Nasionál, atu bele halo redusaun ba nia orssmentu privativu, maibé deputadu sira kinta lejislatura ne’e rasik deside mantein proposta anterior ne’ebé ho montante millaun USD 16 liu.say


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker