GMN TV Politika PN aprova projetu rezolusaun fó nasionalidade ba Max Stahl

PN aprova projetu rezolusaun fó nasionalidade ba Max Stahl

Parlamentu Nasional (PN) aprova projetu rezolusaun númeru 46/V (2.A)  hodi atribui nasionalidade Timorense ba jornalista Max Stahl, tanba ninia kontribuisaun ba Timor-Leste durante tempu rezistensia nini’an.

Rezolusaun refere pasa iha uma fukun PN ho votus a favor 48, kontra 0 no abstensaun 0.

“PN aprova ona rezolusaun nasionalidade ba jornalista Max Sthal, maibé tenki haree mós jornalista sira seluk. Max Sthal nia kontribuisaun ba ita ne’e boot tebes, maibé ha’u hakarak bolu atensaun, ita mós presiza tetu no haree sidadaun estranjeiru seluk ne’ebé entrega sira nia vida tomak ba ita nia kauza”, deputadu bankada PLP, Abel Pires liu husi plenária iha PN, Tersa (10-12-2019).

Nia akresenta, tanba jornalista internasional seluk mós fó sira-nia kontribuisaun, nune’e presiza tetu, tanba sira mós hatudu sira-nia kontribuisaun ba Timor-Leste.

“Ha’u hanoin ita tetu hodi tau ba loron seluk, ohin ita fokus ba jornalista Max Sthal ni’an, maibé tenki haree mós ba sira seluk nia kontribuisaun ba rai ida ne’e”, tenik Abel.

Husi sorin seluk, deputada FRETILIN, Maria Angelica agradese ba Prezidenti Repúblika (PR), Francisco Guterres “Lú Olo” ne’ebé kondekora ona  jornalista Max Sthal, tanba iha momentu mundu haluha Timor, maibé ho imajen ne’ebé fó sai husi Max Sthal kona-bá realidade ne’ebé akontese, halo mundu hatene saída mak akontese iha Timor.

“Agradese ba Xefi Estadu ne’ebé fó kondekorasaun ba Max Sthal, ohin kolega sira seluk ko’alia ona mundu tomak haluha katak Timor laiha ona funu, maibé ho imajen ne’ebé maka públika dehan katak Timor iha duni funu, nune’e jornalista Max Sthal merese atu hetan ho atribuisaun nasionalidade Timorrense, maibé labele haluha mós sira seluk, Estadu sei nafatin rekoñese ema ne’ebé kontribui ba luta ida ne’e. Ami bankada FRETILIN agradese Estadu tomak liu-liu PN atu kontinua fó rekoñesementu ba ema sira ne’ebé kontribui ba luta ida ne’e“, tenik Maria.

PR Lú Olo kondekora Max Sthal ho grau kolar Ordem Timor-Leste, liu husi dekretu Prezidenti Repúblika númeru 5/2019. Estadu kondekora Max Sthal ho razaun, tanba ninia esforsu no dedikasaun, hodi internasionaliza luta Timor-Oan ni’an  ba autodeterminasaun,  iha loron 30, fulan 8, tinan 2019. ety


Banner

Foto

Notisia Ikus

MS: Posibilidade Governu sei aplika KO iha teritóriu nasionál

July 26, 2021
Ministra Saúde (MS), Odete Maria Freitas Belo, ...

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...
1 2 3 620

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker