GMN TV Politika PR dezeja susesu ba servisu Prezidente Autoridade RAEOA ■LUGU: Ró Haksolok problema

PR dezeja susesu ba servisu Prezidente Autoridade RAEOA ■LUGU: Ró Haksolok problema

0 views

Prezidente Autoridade Rejiaun Administrativa Espesial Oe-cusse Ambeno (RAEOA), Jose Luis Guterres  hasoru malu ho Prezidente Repúblika (PR), Francisco Guterres Lú Olo, hodi informa kona bá atividade sira ne’ebé mak la’o iha RAEOA.

Prezidente Autoridade RAEOA, José Luis Guterres, mos informa, iha sorumutu ne’e, Prezidente Repúblika, dezeja susesu ba servisu  Autoridade RAEOA nian, inklui rezolve problema sira  ne’ebé RAEOA enfrenta nomós problema ró Haksolok ne’ebé kompañia husi Portugal Atlantic Eagle bangkrut tiha ona.

José Luis Guterres mos husu ba parte kompetente atu labele aprova tan osan hodi selu ba kompañia Atlantic Eagle ne’e. tanba ida ne’e mal administrasaun krime.

“Ami mai  para informa kona bá atividade sira ne’ebé hala’o iha rai oekusi inklui problema sira ne’ebe iha, ami mos  rona Prezidente nia hanoin  kona bá dezenvolvimentu oe-cusse nian,  nomós nasional   ne’ebé ami laran haksolok tebes  tanba ami mai fó ami nia respeitu ba Prezidente. Ró Haksolok ne’e primeiru ita kontente mas depois ida ne’e halo ita triste”, relata  José Luis Guterres  hafoin hasoru malu ho Prezidente Repúblika iha Palásiu Prezidensial, Nicolau Lobato Kinta (12/12/2019).

LUGU haktuir,  iha enkontru ne’e, Xefe Estadu hato’o nia hanoin lubuk ida kona bá problema hotu ne’ebé la’o iha RAEOA.

 “Fó hanoin mós Prezidente wainhira iha tempu  ba vizita ita-nia povu iha rai oe-cusse,  alende ne’e ami mós iha oportunidade ko’alia mós ho Prezidente Repúblika,  uluk halo ita kontenti agora halo ita triste oituan,  tanba ró haksolok  ami fiar katak, Prezidente Repúblika mós dezeja susesu ba servisu ne’ebé atu halo iha rai oe-cusse”, dehan LUGU.

Prezidente foun RAEOA afirma, iha nia mandatu nu’udar autoriedade RAEOA tinan ne’e, kontinua deit prosesu dezenvolvimentu iha oe-cusse.

LUGU afirma, prioridade ninian ba povu oe-cusse mak sei kria  dezenvolvimentu nesesidade báziku ba povu iha rai oe-cusse.

“Prosesu dezenvolvimentu ne’e  la’os lori de’it tinan lima, maibé lori tinan barak obrigasaun ne’ebé ami iha atu kontinua buat ne’ebé hala’o ona tanba iha ona previstu kontinuasaun Estrada sira,  ida mak ami hakarak tau enfaze ba dezenvolvimentu  nesesidade báziku  ba populasaun”, tenik LUGU.

Nia  afirma, prioridade ida mak bee moos, tanba populasaun presiza bee. Tanba ne’e autoridade foun sei hanoin hela atu aumenta Sekretáriu Rejional foun hodi apoiu prosesu dezenvolvimentu iha Oe-cusse.GMN


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker