GMN TV Politika CNRT: Hein Apoiu Husi Xanana, Kandidatu PR la “Fiar-An”

CNRT: Hein Apoiu Husi Xanana, Kandidatu PR la “Fiar-An”

607 views

Vise Xefe Bankada CNRT, Patrocínio Fernandes. Foto: GMN

Ikus-ikus ne’e mosu figura balu hadau malu “tula liman” husi líder rejisténsia Kay Rala Xanana Gusmão hodi kompete iha eleisaun prezidensiál 2022. Vise Xefe Bankada CNRT, Patrocínio Fernandes, hatete, Partidu CNRT ne’ebé lidera hosi Xanana Gusmão, iha nia rekursu diak atu kompete iha eleisaun prezidensiál 2022.

“Kandidatu barak mak komesa preokupa buka bensaun hosi Xanana, faktus ida hatudu katak, maun Xanana úniku figura ne’ebé ema hotu-hotu presiza, la’ós de’it sira ne’ebé hakarak tur iha kadeira PR ne’e de’it, maibé povu tomak, liu-liu mak povu tomak presiza atu nia serví. Tanba ne’e mak Maun Xanana dala ruma preokupa liu mak ba povu ninia moris no povu nia situasaun, maibé kona-bá sira hadau malu no les malu ne’e, ho intensaun ba kadeira, nene’e Maun Xanana la sibuk, maibe Maun Xanana preokupa oinsa haree povu ne’e bele moris” dehan Patrocinio iha PN, Tersa (30/11). 

Xefe Bankada FRETILIN, David Dias Ximenes ‘Mandati’ afirma, FRETILIN preparadu atu kompete iha eleisaun prezidensiál tinan 2022, maibé seidauk deside atu apoiu kandidatu ida ne’ebé.

“FRETILIN sempre preparadu, ba saida de’it FRETILIN sempre preparadu, periódikamente, diáriamente ka semanálmente sempre preparadu. Atu apoiu kandiatu entre Lere ho Lú Olo ne’e tenke iha desizaun hosi Komíte Sentrál FRETILIN” tenik Mandati.

Kadidatu ne’ebé deklara ona ba públiku atu kompete iha eleisaun prezidensiál 2022 mak Prezidente Partidu KHUNTO, atuál Ministra Solidariedade Sosiál no Inkluzaun (MSSI), Armanda Berta dos Santos. No iha grupu balu deklara fó apoiu ba atual Deputadu PUDD, António de Sá Benevides atu kompete iha eleisaun prezidensiál, no mós Isabel Ferreira.

Enkuandu Xefe Estadu Francisco Guterres Lú Olo deklara ona katak, sei re-kandidata ba eleisaun prezidensiál, bainhira povu fó nafatin konfiansa. No Xefe Estadu Maior Jenerál FALINTIL-FDTL, Tenente Jenerál Lere Anan Timur deklara ona katak, seidauk bele kandidata an ba PR, tanba sei rona no konsulta ho Xanana Gusmão.Say


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker