GMN TV Politika OJE 2022, Governu Prevé Millaun 25 ba Subsídiu FP

OJE 2022, Governu Prevé Millaun 25 ba Subsídiu FP

537 views

Parlamentu Nasionál (PN) Kinta lejislatura, Kuarta (01/12/2021),  hahú diskute ona proposta lei númeru 35/V (4ª) ba Orsamentu Jerál Estadu (OJE) tinan 2022 ne’ebé ho montante billiaun USD 1.675.000.000 atu finansia programa 45.

Iha OJE 2022 ne’e, Governu prevé millaun USD 25 ba medida prinsipál foun sira, no kustu sira ne’ebé iha relasaun hanesan atribuisaun ba Subsídiu Alimentasaun Mensál nian ba Funsionáriu Públiku (FP) sira, ho kustu estimadu millaun USD 25.

Subsídiu ne’ebé Governu planeia fó ba FP sira ne’e, atu hamenus despeza ho akizisaun ba iha ai-han no konfesaun ba refeisaun sira. No promove akizisaun ba produtu agríkola sira hosi produtór nasionál, hodi insentiva no hasae produtivudade agríkola.

“Subsídiu ida-ne’e,  ho natureza fó ai-han sira,  ne’ebé sei permite ba benefisiáriu sira,  atu hamenus despeza ho akizisaun ba ai-han no konfesaun ba refeisaun sira, nune’e mós promove akizisaun ba produtu agríkola sira husi produtór nasionál sira,” Xefe Governu Taur Matan Ruak, nia diskursu debate OJE ba tinan 2022 iha faze jeneralidade, Kuarta (01/12), iha Parlamentu Nasionál (PN).

Governu mós prevé subsídiu, Bolsa da Mãe Jerasaun Foun (JF), ho kustu estimativa millaun USD 13. Subsídiu ne’e, ho objetivu atu hamenus ki’ak, promosaun frekuénsia ba Ensinu Báziku, obrigatóriu no asesa ba kuidadu, saúde primária sira.

Antes ne’e Konsellu Ministru (KM) liu husi reuniaun estra-ordináriu, aprova projetu Dekretu-Lei kriasaun subsídiu mensál ai-han nian, no subsídiu mensál transporte nian ba Funsiánariu Públiku (FP), kargu diresaun no xefia sira.

Projetu Dekretu Lei subsídiu mensál ai-han nian mak hanesan, kada fulan FP sira iha direitu ba foos kilograma 35, batar kilograma 5, koto kilograma 5, fore-mungu kilograma 5 no fore-keli kilograma 2.

No karik laiha produtu sira anteriór balun ne’ebé temi ona, bele troka ho produtu sira-seluk ho valór hanesan. Sei entrega trimestralmente husi órgaun no servisu sira ba benefisiáriu sira ne’ebé ezerse ninia funsaun.

Subsídiu mensál ai-han ne’e nia objetivu mak hamenus despeza no akizisaun ba ai-han sira no konfesaun refeisaun, no “atu promove pordutu nasionál” nomós “atu insentiva aumentu produtividade setór agríkola” sita iha komunikadu imprensa ne’ebé GMN asesa husi KM, iha (20/09).

KM aprova mós projetu Dekretu Lei atu kria subsídiu mensál transporte nian ba titulár sira kargu diresaun no xefia, nomós ba FP administrasaun públiku nian.

Montante subsídiu mensál ne’ebé sita iha komunikadu ne’e mak hanesan, osan ho valór USD 25.00 ba FP sira, valór USD  50.00 ba Xefe sira sesaun, ba Xefe Departamentu sira sei “hetan USD 75.00,” ba Diretór Nasionál sira “USD 100.00” no ikus liu mak ba “Diretór Jerál sira sei hetan USD 150.00”.Eni

 


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker