GMN TV Politika PD-CNRT: Kondekora Djafar Alkatiri, PR Lú Olo “Kahur” Interese Partidária

PD-CNRT: Kondekora Djafar Alkatiri, PR Lú Olo “Kahur” Interese Partidária

58 views

Xefe Bankada PD, António da Conceição ‘Kalohan’. Foto:GMN

Xefe Bankada Partidu Demokrátiku (PD), António da Conceição ‘Kalohan’ hatete, Prezidente Repúblika (PR), Francisco Guterres Lú Olo, kahur ona interese polítika iha desizaun, tanba fó uluk rekoñesimentu ba Djafar Bin Amude Alkatiri, hanesan Sekretáriu Jerál Partidu FRETILIN, Marí Bin Amude Alkatiri nia maun.

Kalohan dehan, ema barak ne’ebé luta maka’as liu ba prosesu ukun rasik an ne’e, to’o agora balun seidauk hetan rekoñesimentu espesiál hosi Estadu, maibe ida ne’ebé luta oituan hetan uluk rekoñesimentu, ida ne’e mak problema.

“Desizaun ne’ebé hola presiza tetu didi’ak, tanba iha ema balun ne’ebé mak terus, maibé sira nia terus ne’e ita seidauk rekoñese, enkuantu balun ne’ebé mak subar an liu hosi buat ruma ne’ebé mak di’ak, hodi hamahon tiha sira, hodi sira hetan lalais tiha kondekorasaun, maibé ida ne’ebé mak terus na’in, sai nafatin penonton. Ukun-an ne’e sosa ho folin ne’ebé mak karun, ne’e duni buat ne’ebé mak karun, tenke kontribuisaun ne’ebé mak la’os karun liu, ne’e la’ós tempu atu fó kedas ninia valór, osan mean ne’e sempre osan mean, ida ne’ebé mak fó nia an tomak ba ukun an ne’e mak osan mean,”dehan ‘Kalohan’ iha PN, Tersa(30/11).

Vise Xefe Bankada CNRT, Patrocínio Fernandes. Foto: GMN

Vise Xefe Bankada CNRT, Patrocínio Fernandes, sujere, Xefe Estadu labele tau interese pesoál no partidária iha desizaun ba rekoñesimentu asua’in sira, tanba ema barak mak mate no barak mak hetan torturasaun, violasaun no ameasa oi-oin durante funu laran, maibé ohin loron sei moris terus.

“Kuandu ha’u bo’ot oituan hahú partisipa ativu iha prosesu sira ne’e, maibé própriu naran sira hanesan ne’e (Djafar Alkatiri) mak ha’u mós la dun koñese. Maibé ne’e média nia knár hodi halo investigasaun, hodi valór buat naran kondekorasaun ne’e, nune’e fó ba ema ne’ebé mak merese duni atu hetan kondekorasaun. Labele iha tendénsia sira seluk, depois sira ne’ebé la merese hetan kondekorasaun mak kondekora fali, maibé ida ne’ebé mak merese hetan ne’e la simu fali, ida ne’e mak problema, maibé ne’e kompeténsia PR nian, nia mós iha ekipa lubuk ida ne’ebé iha para buka tuir dadus no faktu”afirma Patrocínio.

Deputadu sira mós husu Xefe Estadu, atu koordena no identifika didi’ak ho komisaun omenajen, molok foti desizaun hodi kondekora sidadaun ida.

“Ami hatene ida ne’ebé mak servisu hamutuk iha ai-laran ne’e ami respeitu, maibé veteranu iha ai-laran ne’e ha’u koñese hotu hosi rejiaun 1, 2 no 3. (veteranu barak seidauk kondekora) ida ne’e mak sira tenke konsulta, tanba osan ne’e ruin ho ran nian, la’os ita-nian, ita kuandu la servisu mak hetan tiha osan ne’e, depois la kleur ita mate tiha fali, tanba buat ne’e lulik, ne’e duni tenke konsulta ho ami” dehan L7.

Xefe bankada FRETILIN, David Dias Ximenes ‘Mandati’

Xefe bankada FRETILIN, David Dias Ximenes ‘Mandati’ afirma, maske sei iha veteranu ne’ebé prioridade liu, maibé Xefe Estadu deside tuir nia kompeténsia no kriteria ne’ebé iha.

“Djafar Alkatiri ho Mariano Bonaparte Soares, sira nain rua nia grau uluk membru CCF hanesan, Mariano tama kadeia iha 1975 sai fali iha 1978, depois 1980 tama fali kadeia to’o 1993, maibé to’o ohin loron ha’u seidauk hatene tratamentu ba Mariano Bonaparte nian ne’e, ne’ebé ha’u seidauk bele fó komentáriu loloos justu ka la justu kondekorasaun ida ne’e. Ha’u deskonfia, ida ne’e mós ha’u la tur iha komisaun de omenajen, ne’ebé hau lahatene loloos veteranu ne’ebé seidauk kondekora. Maibé veteranu barak ne’ebé envolve iha frente klandestina kleur, to’o ohin loron seidauk (seidauk hetan kondekorasaun)” tenik Mandati.

Kada tinan Xefe Estadu sempre fó kondekorasaun ba luta na’in sira ho medalla Kollar Ordem Timor-Leste títulu póstume, Ordem Timor-Leste, Ordem Nicolau Lobato, hodi rekoñese asua’in sira nia kontribuisaun durante funu ba libertasaun nasionál.

Kondekorasaun sira ne’e, fó liuhosi serimónia nasionál sira hanesan komemorasaun loron Restaurasaun Independénsia, Konsulta Populár no loron Proklamasaun Independensia Unilaterál.

Iha komemorasaun loron proklamasaun Independensia, loron 28 fulan Novembru ba dala-46 tinan ne’e, Xefe Estadu Francisco Guterres Lú fó fó kondekorasaun ba asua’in hamutuk 52 inklui Djafar Alkatiri.

Asua’in ne’ebé simu kondekorasaun ne’e, na’in 5 simu kondekorasaun Kolár Orden Timor-Leste ho títulu póstume, nain 1 hetan kondekorasaun Kolar Ordem Timor-Leste, na’in 8 simu medalla Orden Timor-Leste, títulu póstume no nain 38 simu kondekorasaun medalla Orden Timor-Leste. Djafar Bin Amude Alkatiri simu medalla Ordem de Timor-Leste.Say


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker