GMN TV Politika PN hahú diskute proposta OJE 2022 billiaun 1.675 iha faze jeneralidade

PN hahú diskute proposta OJE 2022 billiaun 1.675 iha faze jeneralidade

57 views

Parlamentu Nasionál (PN) kinta lejislatura, Kuarta (01/12/2021),  hahú diskute ona proposta lei númeru 35 / V (4ª) ba Orsamentu Jerál Estadu (OJE) tinan 2022 ne’ebé ho montante billiaun USD 1.675.000.000 atu finansia programa 45.

Diskusaun iha faze jeneralidade ne’e, sei hala’o durante loron tolu, hosi loron 1 to’o loron 3 fulan ne’e, no faze espesialidade, sei hala’o iha Segunda loron 6 to’o final globál iha loron 17 fulan Dezembru ne’e.

Hosi orsamentu billiaun USD 1,675,000.000 ne’e, foti millaun USD 1,042,472.536 hosi Fundu Petrolíferu Rendimentu Sustentavel millaun USD 554,077.576 no transferénsia superior hosi rendimentu sustentavel ne’e hamutuk millaun USD 488,394.960, enkuantu reseitas não petrolíferas millaun USD 132,506.811.

Reseitas próprias hamutuk millaun USD 11,770.557 no osan doasaun, eransa no legadu hosi parseiru internasionál hamutuk millaun USD 15,639.298.

Alénde ne’e, rendimentu dividendus,  jurus ho rendas hamutuk millaun USD 6,663.014 saldo jerénsia millaun USD 330,711.000.

Hosi orsamentu billiaun ida resin ne’e, alokasaun bo’ot liu ba Ministériu Obras Públiku (MOP) ho montante millaun USD 160,431.417.

Ba Ministériu Kombatentes Libertasaun Nasionál (MCLN-sigla Portugés) millaun USD 99,684.114.

Ministériu Edukasaun Juventude no Desportu (MEJD) millaun USD 81,708.623, no Ministériu Saúde (MS) iha alokasaun millaun USD 52,113.565, nune’e mós ba Ministériu Petróleu no Minerais (MPM) millaun USD 42,257.061.

Polísia Nasionál Timor-Leste (PNTL) propoin millaun USD 34,082.481, Ministériu Administrasaun Estatal (MAE) propoin millaun USD 33,723.731.

Alénde ne’e, iha mós medida foun ne’ebé Governu introduz, hanesan subsídiu no alimentu ba funsionáriu públiku, hamutuk millaun USD 25, fundu atu responde ba situasaun emerjénsia no dezastre naturais hamutuk millaun USD 15 no aloka mós millaun USD 13 ba Fundu espesial hodi dezenvolve Ataúru.

Ba programa foun bolsa da mae ba jerasaun, liu-liu apoiu nutrisaun ba inan isin rua ho bebé, hamutuk millaun USD 13, ba programa ne’e hetan apoiu mós 6,4 hosi Governu Austrália .

Ba eleisaun prezidensial tinan 2022, Governu mós propoin USD 12, akizisaun veíkulu no ekiepamentu ba bombeirus hodi responde ba dezastre hamutuk USD 3.

Sensu populasaun millaun USD 3.1 no kria Sistema Úniku ba Identifkasaun hamutuk millaun USD 3 no saláriu ba membru F-FDTL foun 1.200, hamutuk millaun USD 1.2.

Despeza ba adiministrasaun sentrál, hamutuk billiaun USD 1,590,563.216, no ba despeza Rejiaun Administrativa Espesial Oe-cusse Ambeno (RAEOA) hamutuk millaun USD 84,436.784.

Hosi OJE billiaun USD 1,675,000.000, aloka ba kategoria saláriu vensimentu millaun USD 244,679.401, bens servisu millaun USD 416,929.610, transferénsia públika millaun USD 508,802.279.

Alénde ne’e, ba kapitál menór millaun USD 31,361.527 no kapitál dezenvolvimentu millaun USD 388,790.399. Enkuantu ezekusaun OJE ba tinan 2021 ho montante billiaun USD 2.030.299.999.98, foin atinje porsentu 63.6.Say


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker