Demokrasia TL, ezemplu ba mundu

Maske formasaun VII Governu Konstitusional iha Timor Leste ba periodu ne’e la atraza oituan, maibe prosesu demokrasia ne’ebe povu Timor Leste hatudu iha eleisaun presidensial ho eleisaun jeral 2017 nudar ezemplu boot ba mundu.

Lia hirak ne’e hato’o husi Embaixador Republika Indonesia mai Timor Leste,  Sahat Sitorus, hodi responde jornalista sira iha Embaixada Republika Indonesia nian iha Farol, Dili, Sabadu (23/9/2017).

Sitorus fo sasin katak, Estadu Timor Leste komunga ona demoraksia, tanba ne’e, lideransa politika sira  tenke kontinua mantein paz ho estabilidade atu la bele hamosu konfilitu iha era-demokrasia ne’e. Tanba ne’e, Governu no Parlamentu Nasional Timor Leste nian tenke tane as povu nia konfiansa no povu nia interese, ne’ebe povu rasik deposita tiha ona iha eleisaun dala rua iha tinan 2017 ne’e.

“Maske Governu minoria iha Parlamentu Nasional mas espera sei seirvisu hamutuk ho opozisaun atu bewle tane as povu nia interese no hamutuk dezenvolve rai ida ne’e ba oin,” hateten Sitorus.

Husi formasaun Governu ne’e, Embaxador Sahat Sitorus iha esperansa katak formasaun VII Governu ne’e reprezenta povu Timor Leste ne’ebe ho ninia habitante milaun 1.3, katak estabel no iha asaun barak ne’ebe bele halo.

“Espransa nudar nasaun vizinu, ami nia Prezidenti Republika, ami nia ministra estrangeiru ho esperansa katak establidade mak bele dezemvolve nasaun Timor Leste sai di’ak liutan,” hateten Sahat Sitorus.

Sahat Sitorus hato’o votus kongratula ba Primeiru Ministru (PM), Mari Alkatiri, ho ninia estrutura. Espera katak, Maromak kontinua akompaña no haraik rahun diak nafatin ba Governu atu bele garante  establidade no kontinua fo prioridade ba nasaun no povu Timor Leste. eus