Konfiansa povu, FRETILIN LIDERA ORGAUN SOBERANU TOLU

Gloria boot ba partidu FRETILIN ne’ebé iha periodu 2017-2022 kaer ‘ukun’ iha orgaun soberanu tolu (3), kompostu husi Prezidenti Republika, Parlamentu Nasional ho mos Governu.

“Demokrasia mak ne’e, rezultadu eleisaun ne’e hatudu katak mesmu laiha partidu ida manan maioria absoluta, maibe FRETILIN nudar partidu mais votadu ne’e hatudu katak mensagen mai husi povu mak ne’e FRETILIN mak lidera, lidera iha Governu, iha Parlamentu Nasional,” hateten  Prezidenti Parlamentu Nasional (PPN), Aniceto Guterres, ba Jornalista sira iha Palacio Presidensial, Kinta (7/9/2017). Aniceto esplika katak, kona-ba kompozisaun membru Governu nian depende ba negosiasaun ne’ebe partidu koligasaun FRETILIN, PD ho KHUNTO mak sei deside. Kona-ba Prezidenti Republika (PR), Francisco Guterres Lú Olo, nudar kandidatu husi FRETILIN ba Prezidenti Republika, Aniceto Guterres lia tun dehan, kona-ba kargu Prezidenti Republika ne’e buat ketak tanba ne’e labele kahor to’o iha parte ne’e. eus