Alkatiri propoin Xanana ba prezidenti alta autoridade

Primeiru Ministru (PM), Mari Alkatiri, haruka ona proposta ida ba Xanana Gusmão, atu assume kargu prezidenti alta autoridade hodi haree ba negosiasaun fronteira maritima Timor Leste ho dezenvolvimentu area tasi mane nian.

“Ha’u seidauk nomeia, ha’u halo proposta, se maun Xanana simu duni proposta ne’e, entaun ha’u sei propoin ba Prezidenti Republika atu fo pose   ba prezidenti alta de autoridade ne’e,”  informa PM Alkatiri, hodi responde jornalista sira hafoin haosru malu ho Prezidneti Republika iha Palacio Presidensial, Kinta-feira (5/10/2017).

Proposta PM Alkatiri nian ne’e sei tatoli liu husi Ministru Adjuntu Primeiru Ministru ba Delimitasaun Fronteira, Agio Pereira, tanba ne’e sei hein rezultadu ka apoiniaun husi Xanana Gusmão.

Ministru Agio Pereira, horseik duni, aranka ona ba Haia-Olanda, lori mos proposta ne’e hodi intrega ba Kay Rala Xanana Gusmão.

Agio Pereira marka prezensa iha Haia-Olanda nudar mos ajenti prinsipal ba iha diskusaun fronteira maritima ne’ebe sei hamutuk ho ekipa legal prepara án para hahu prosesu diskusaun iha Tribunal Permanente Abitrazen- Olanda, durante semana ida, hahuu husi Segunda to’o Sesta (09-13/10/2017) iha Haia-Olanda.

Durante loron hirak nia laran ne’e parte rua halo diskusaun, maka komisaun negosiasaun sei fo sai  rezultadu diskusaun ne’e  liu husi karta komunikadu. eus