Fidelis Magalhães: La’os tempu debate OR

Xefi Bankada Partidu Libertasaun Popular (PLP), Fidelis Magalhães, konsidera, la’os ona tempu atu diskuti Orsamentu Rektifikativu (OR), maibe tempu para debate Orsamentu Jeral Estadu (OJE) tinan fiskal 2018.

“Prosesu ami halo tuir Konstituisaun, tuir lei, no rejimentu Parlamentu Nasional (PN). Povu nia interese la’os OR maibe programa ho Orsamentu Jeral Estadu 2018 nian,”   hateten Fidelis Magalães, ba jornalista iha Parlamentu Nasional Segunda  (18/12/2017).

Fidelis esklarese katak, povu nia interese la’os atu akuza malu, dehan ema ida ne’e mak defende liu povu nia interese no seluk la defende. Solusaun diak ba povu ho nasaun mak tau as interese nasional hodi haklo prosesu hotu tuir nia tempu no tuir nia dalan.

Antes ne’e Ministru Prezidensia Conselho Ministrus (MPCM), Adriano do Nascimento, informa, Governu sei  aprezenta programa  ba daruak iha PN wainhira iha ona rezultadu husi diskuzaun OR.

“Ami mai iha PN, ema haruka ami fila no PN lakohi atu dekuti, Governu atu koalia halo nusa,  orsamentu ne’ebe mak Governu halo ajustamentu deputadu sira lakohi diskute depois mak ita haree,” hateten Adriano do Nascimento. ety