Alkatiri: Fretilin mak determina Lú Olo ba PR

Secretario Geral Fretilin Dr. Mari Alkatiri akompanha hosi Francisco Branco e Jose Reis

Sekretariu Jeral partidu FRETILIN, Mari Alkatiri, hateten katak, la’os partidu seluk mak determina lori Francisco Guterres “Lú Olo” ba Prezidenti Republika (PR), maibe militantes FRETILIN duni mak lori nia Prezidenti FRETILIN ba tuur iha Palacio Aitarak Laran.

“Ita  hahu ho eleisaun prezidensial ita nia kandidatu manan iha primeira volta, bainhira  sira mak la apoia Lú Olo sei la sai prezidenti,” afirma Mari Alkatiri wainhira halo konsolidasaun partidu FRETILIN nian iha Salaun Paroquia Nossa Senhora Oe-Cusse, Domingu (28/1/2018).

Alkatiri afirma katak, se partidu seluk mak determina Lú Olo ba Prezidenti Republika, tansa mak sira lakon fali iha eleisaun parlamentar.

“Ita la nega apoiu balun ne’ebe sira fo, maibe partidu FRETILIN mak sai fator determinante Lú Olo sai Prezidenti Republika laos tan ema seluk no  partidu seluk,” hateten Mari Alkatiri.

Alkatiri hatutan katak, partidu sira seluk halai hamutuk atu hatun deit FRETILIN tanba sira lakohi haree Timor ne’e buras hanesan Oe-Cusse no ema sira ne’e kontinua hakarak kontorla komputador. ety