JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN disolve ona, Governu demisioner

PN disolve ona, Governu demisioner

Xefi bankada CNRT, deputadu Arão Noe hateten, bainhira Parlamentu Nasionál hetan dissolve ona husi Prezidente Repúblika (PR) automatikamente Governu mós demisioner ona nia mandatu, hodi hala’o de’it  jestaun  ba administrasaun.

Arão Noe hatete lia hirak ne’e ba jornalista sira iha PN, Kinta (01/02/2018), relasiona ho deklarasaun Primeiru Ministru, Marí Alkatiri ne’ebé hateten Governu atual la’os jestaun, maibe nafatin VII Governu konstitusional to’o partidu polítiku sira hala’o kampaña mak foin jestaun.

“Kuandu PN disolve ona ne’e, tuir loloos husi loron 26 mai ne’e, Governu demisioner ona, tanba parlamentu laiha ona. Governu ne’e hala’o jestaun de’it para halo administrasaun de’it, maibe Governu ida agora halo kontratu oi-oin, lahatene poder ne’e husi ne’ebé mak ne’e? tanba ne’e mosu Governu foun mai, tenke hapara kontratu sira ne’e hotu, tanba lapriense kriterius legais,”hateten Xefi bankada CNRT, deputadu Arão Noe.

Arão esplika, tuir loloos Governu ne’e nia funsaun dezde inisiu sei jestaun, tanba laiha pleno poderes no programa.

“PR deklara ona disolve Parlamentu, maibe PR la pronunsia Governu nia pozisaun. Tuir ha’u-nia hatene tuir konstituisaun, tuir loloos Governu ne’e dezde harí to’o agora ne’e jestaun, tanba Governu nia programa seidauk aprova tuir artigu 108 K-RDTL nian, Governu tenke lori programa mai aprova iha Parlamentu, maibe primeiru programa la aprova, ba segundavez la aprezenta to’o agora, tanba ne’e Governu ne’e nia funsaun ne’e jestaun nafatin to’o agora, tanba seidauk iha pleno poderes,”dehan tan Arão.

Sorin seluk, Xefi bankada FRETILIN, deputadu Francisco Branco mós rekoñese katak, agora dadaun bele tama ona Governu jestaun, tanba hein de’it ona Prezidente Repúblika atu dekreta data ba eleisaun antesipada.

Lee hotu :   MSSI simu reklamasaun 10.747 husi munisípiu 12

Enkuantu, Xefi Estadu Francisco Guterres ‘Lú-Olo’ anunsia disolve Parlamentu Nasionál, iha loron 26 fulan Janeiru ne’e, hodi fo fila poder ba povu atu hila fila-fali liu hosi eleisaun antesipada, hodi solusiona tensaun polítika iha rai laran.Say

Add to Comments Here!!!!

error: Content is protected.
Secured By miniOrange
You might also like:
CNRT, PLP-KHUNTO asina akordu koligasaun  Hasoru EA ho pakote úniku AMP

Partidu CNRT, PLP no KHUNTO, Kinta...

Alkatiri konsidera mosaun sensura “kadaluwrsa” Governu fó apoiu tomak Xanana lidera FM

Primeiru Ministru Mari Alkatiri konsidera mosaun...

PM Alkatiri suspende akordu kasino, Ministru Manuel Vong ‘dezvia’ fali ba sloot machine

Hafoin Primeiru Ministru (PM), Mari Alkatiri,...

Close