STAE hahu ajusta planu operasional ba Eleisaun Antesipada

Diretor Jeral Sekretaria Tekniku Administrasaun Eleitoral (STAE), Acilino Manuel Branco, Kuarta –fera nee hahu enkontru diretor sira STAE Minispiu sira hodi halo preparasaun ba Eleisaun Antisipa.

   Diretor Jeral Sekretariado Tekniku Administrasaun Eleitoral (STAE), Acilino Manuel Branco hateten objetivu enkontru nee  atu hahu ona halao ajusta planu operasional ba Eleisaun Anitisipada nian.

“ Ita hotu hatene katak eleisaun ne’e sei akontese iha sentru votasaun sira entaun persiza fali dadus sira husi Munisipiu atu bele fasilita ita nia planu operasional ne’ebe maka ita sei traza”, hatete Acilino Manuel Branco ba GMN hafoin enkontru iha nia servisu fatin Matadoru, Dili.

Diretor STAE  hatutan, enkontru nee mos atu haree  numeru sentru votasaun no kondisaun sentru votasaun sira nebe tinan kotuk uza atu bele halo ajustamentu.

“ Ohin bele hetan dadus sira ne’e kompletu atu nune’e bele ajusta proposta Orsamentu ne’ebé  horseik ita halo ona kordenasaun ho parte Ministriu Finanças nian ne’ebé maka fo ona tempu atu bele ajusta ho urjensia aban lokraik (ohin-red) tenki submete ona planu sira ne’e ho nia ajusta orsamentu”, hatete Acilino Branco.

Iha enkontru nee mos fo orientasaun diretor SATE Munsipiu sira atu bele identifika eis brigada nomos eis operador nebe servisu iha eleisaun parlamentar iha tinan kotuk atu nune’e iha tempu badak sira bele hahu halao fali ona servisu iha Munisipiu, tamba aktividade urjenti ida mak atu halao fila fali resensiamentu iha nível teritoriu tomak.

Diretor Jeral nee mos kontaktu ona ba Ministreiu Negosiu Estranjeirus atu bele haree possibilidade atu halao rezensiamentu ba iha rai liur tanba lei garante ema hotu nia direitu hanesan iha rai laran nomos iha rai liur.

“ Ami hanoin  katak depois enkotru hotu sira sei fila ba Munisipiu atu nune’e konsentrasaun ho sistema sira ne’e prontu ona, ita bele halao ho rezensiamentu baze de dadus nian iha sentru um ho sub-rejional hat iha Oecusse”, dehan Acilino Branco.SIS