Fila husi negosiasaun FM, Alkatiri: Tanbasa tenke ba Sede CNRT

Secretario Jeral Partidu FRETILIN, Mari Alkatiri, kestiona oituan lala’ok Negosiador Prinsipal Delimitasuan Fronteira Maritima, Kayrala Xanana Gusmão, ne’ebe fila husi servisu negosiasuan fronteira maritima nian ho Australia ba liu kedas Sede partidu CNRT.

“Tanba saida tu’un iha Aero Portu Prezidenti Nicolau Lobato ba tu’un iha sede CNRT. Kala halo negosiasaun FM  lori CNRT nia naran, hau la komprende,” hateten Secretario Jeral FRETILIN Mari Alkatiri iha nia diskursu bainhira halao konsolidasaun partidu FRETILIN nian iha Suku Vila Verde, Dili, Sabado (17/3/2018).

Alkatiri hateten,  xefe Negosiador prinsipal delimitasaun Fronterima marítima Kayrala Xanana Gusmao  tuir loloos tun husi Aeroportu Nicolou  Lobato,  labele ba direta iha sede CNRT tanba  nia ba trata asuntu nasional la’os trata asuntu partidu CNRT nian.

Rezultadu akordu Fronterira marítima asina iha loron 6 fulan Marsu tinan nee iha Nova Iorke no xefi Negosiador fila hikas mai  Timor Leste iha loron 11 fulan Marsu Tinan ne’e

Antes ne’e  Porta voz Governu Matias Boavida dehan  Governu la organiza serimonia resepsaun ba xefe negosiador Fronteira Maritima iha Aeroportu tanba la iha komunikasaun.ety