JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Joaquim Fonseca eleitu sai SekJer RENETIL ■ PR Lú Olo: TL presiza jerasaun RENETIL

Joaquim Fonseca eleitu sai SekJer RENETIL ■ PR Lú Olo: TL presiza jerasaun RENETIL

Atu mantein funsionamentu makina Resistensia Nacional dos Estudantes de Timor-Leste (RENETIL), iha loron 17 Marsu, tinan 2018 ne’e, liu husi votasaun ne’ebé membru RENETIL hala’o iha Centro Convencões de Díli (CCD), rezulta Joaquim Fonseca ‘Russo’ sai Sekretariu Jeral (SekJer) RENETIL ba dala VII, periodu 2018-2022.

 Joaquim Fonseca ‘Russo’

Tuir dadus ne’ebé maka Grupo Média Nacional (GMN) rekolla iha CCD sita katak, kompetisaun atu hetan pozisaun SekJer, Vise I no Vise II ne’e kompete husi pakote tolu (3), hanesan pakote A, B no C. Entretantu pakote ne’ebé maka sai vensedor maka pakote B lidera husi SekJer Joaquim Fonseca, Vise I, Francisco Belo ‘Lires’, Vise II maka Natalina Aparicio ‘Rara’ ho votus 141 (55%).

Tuir planu Joaquim Fonseca ‘Russo’ hamutuk ho ninia estrutura foun, sei hala’o toma de pose iha aniversariu RENETIL, ne’ebé monu iha loron 20, fulan Juñu, tinan 2018.

Pakote A ho lista kandidatura ba SekJer maka Joaquim Fonseca ‘Russo’, Vise I, Rigoberto Monteiro Perdidu, Vise II maka Mika Barreto ho votus 75 (29%). Pakote C ho lista kandidatura ba SekJer Ortencio Pedro Vieira ‘Loibacu’, Vise I Ana Adenua no Vise II maka Rui Viana hetan votus 37 (14%).

Rezultadu votasaun hodi hili SekJer, Vise I no Vise II ba exekutivu RENETIL periode 2018-2022 ne’e ho total votus hamutuk 256, inklui votu nulu tolu (3)

Kongresu nasional RENETIL VII durante loron tolu (3), iha loron Sabadu (17/3) realiza votasaun hodi hili SekJer RENETIL ba exekutivu RENETIL periode 2018-2022 ne’e, partisipa husi membru RENETIL husi munisípiu no nasional, membru RENETIL ne’ebé involve iha VII Governu, sosiedade sivil, funsionariu públiku no emprezariu balun.

Lee hotu :   Lideransa CNRT lahatene bainhira mak Xanana fila mai TL

Organizasaun RENETIL funda iha Indonesia, iha loron 20 juñu 1988, husi estudante Timor-oan sira ne’ebé eskola iha Indonesia, hodi luta kontra okupasaun Indonesia iha Timor-Leste durante tinan 24.

 TL presiza jerasaun RENETIL

Nune’e mos, Prezidente Repúblika (PR), Francisco Guterres ‘Lú Olo’, informa, nasaun Timor-Leste (TL) presiza jerasaun nasionalista mai husi organizasaun Rezintensia Nasional Estudante Timor-Leste (RENETIL), tanba membru RENETIL balun iha experiensia no matenek tulun Estadu no haburas ekonomia nasional.

“Timor-Leste presiza mós jerasaun nasionalista sira ne’ebé mai husi RENETIL. Presiza ita boot sira no experiensia no matenek téknika atu tulun hametin Estadu no haburas ekonomia nasional, liu-liu atu haburas la-lais ekonomia diversifikadu no sustentavel, hodi bele garante povu nia moris diak ba ohin loron no ba jerasaun tuir mai,” PR Lú Olo liu husi ninia diskursu iha enseramentu kongresu RENETIL da-VII, iha Centro Convençoes de Díli (CCD), Sabadu (17-03-2018).

Nia esplika, iha tempu okupasaun Indonesia, RENETIL la’os de’it sai instrumentu importante ba luta nian, maibé sai hanesan eskola ida ba sidadania no nasionalizmu, eskola ida ne’ebé tulun kapasita jerasaun foin sa’e sira ne’ebé boot durante tempu okupasaun.

“Haree ba lala’ok tinan 30 liu ba, ita bele dehan katak RENETIL sai eskola diak ida. Ohin loron membrus RENETIL barak hala’o knaar ho responsabilidade ás teb-tebes iha Estadu no universidade sira, fahe ba partidu polítiku oi-oin, sai kuadru tékniku kualifikadu no experiente ne’ebé ita nia rai presiza teb-tebes,” hateten PR, Francisco Guterres ‘Lú Olo’.

Nia akresenta, TL presiza kuadru nasional hotu-hotu atu lori planu nasional ba dezenvolvimentu ba futuru, tanba ne’e hotu-hotu tenki partisipa iha prosesu dezenvolvimentu nasaun.

Lee hotu :   Juventude ParPol asina kompromisu paz ho CNJTL

“Objetivu ne’e maka ita nia prioridade nasional foun no ita hotu tenki hakaas-an fila-fali atu hametin unidade nasional, unidade lider sira ninian no unidade sidadaun sira nian, tanba sé ita laiha unidade, ita labele halo buat ida. Ita tenki buka fó liman ba malu, fahe liu tan matenek ba malu, haree hamutuk oinsa haburas ita nia lala’ok iha área akadémika, setor emprezarial, hadi’a servisu públiku sira, hasa’e kualidade infraestrutura, edukasaun no saúde,” dehan PR Lú Olo.

PR Lú Olo reforsa, atu bele hetan buat sira ne’e hotu, TL presiza investe iha kualidade ensinu no edukasaun no hatene hasa’i lisaun husi experiensia TL liu ona, tenki hatene oinsa uza matenek husi Timoroan hotu-hotu, tanba TL presiza tan buat ida espiritu servisu ho laran tomak.

Organizasaun Rezintensia Nasional Estudante Timor-Leste (RENETIL) funda iha Indonesia, iha loron 20 juñu 1988, husi estudante Timoroan sira ne’ebé eskola iha Indonesia, hodi luta kontra okupasaun Indonesia. Ves

 

Add to Comments Here!!!!

error: Content is protected.
Secured By miniOrange
You might also like:
Xanana Gusmão: “La’os hau mak halo relatoriu FM”

Xefi Negosiador Principal ba Delimitasaun Fronteira...

PNTL no F-FDTL Baucau prontu fó seguransa ba EA

Komandu Polisía Nasionál Timor-Leste (PNTL) Baucau...

Estrada Suku Uailili seidauk hetan atensaun husi Governu

Estrada  dirasaun  husi Sentru Suku Ualili...

Close