MJ konsidera kazu Emilia Pires laos kulpa Justisa TL

Ministra Justisa (MJ), Maria Angela Carrascalão, husu Eis Ministra Finansa, Emilia Pires, nia konsiensia  atu responsabiliza  nia aktu krime, tanba nia halai laos kulpa jusitsa Timor-Leste.

Maria Angela hatete, Emilia ba rai liur ne’e trata asuntu Estadu, tanba ne’e nia la halai husi justisa formal, nia halai sai husi Timor, tanba hetan ona desizaun primeiru instansia, maibe seidauk final sei iha rekursu.

“ Ita atu fo sala ne’e ba ema sira ne’ebe mak apoiu sira halai sai ne’e, laos justisa Timor-Leste no ha´u mos la aseita opiniaun publiku durante ne’e katak, justisa ne’e ba ema kik deit, tanba realidade iha eis Governante barak mak ba ona prizaun tanba komete krime oin oin,’’dehan Maria Angela, hodi responde jornalista sira iha Hotel Novo Turismo Lecidere, hafoin partisipa konferensia Governasaun organizasaun justisa kriminal, Tersa (6/03).

Angela esplika, maske  iha ona akordu estradisaun maibe laos fasil ba Estadu Timor-Leste atu lori fila Emilia, tanba Emilia mos sidadaun Portuguesa, laiha rai ida mak atu kaer fali nia sidadaun id aba daddur fali iha rai seluk, nasaun hotu hotu hanesan ne’e defende nia sidadaun inklui Timor-Leste,

Iha tinan 2016 eis Ministra Finansas iha kuatru Governu ne’e hetan kondenasaun primeiru instansia  husi Tribunal Distrital Dili ba krime partisipasaun ekonomia de negosiu ne’ebe arguida involve hodi fo projetu sosa kama  Hospital Nasional Guide Valadares  ba nia kaben.

Tanba ne’e tribunal kondena arguida ho pena prizaun tinan 7, maibe antes tribunal hatun desizaun Emilia husu autorizasaun ba Tribunal Dili hodi liu ba estrangerio trata asuntu Estado hanesan prezidente g7+ no aproveita trata nia saude, maibe to’o agora Emilia la fila mai Timor atu responsabiliza nia aktu krime. Nia