AMP iha programa ho naran ukun fuan 10 ■Xanana husu povu Liquiça vota AMP

Prezidente  Koligasaun Aliansa Mudansa ba Progresu (AMP),  Kay Rala  Xanana Gusmão, husu ba povu no militante Munisípiu Liquiça atu vota ba AMP, tamba AMP iha programa ho naran ukun fuan 10.   

“Iha Aileu  militante sira dehan la  vota  mós AMP manan tiha,  ha´u dehan se la  vota  partidu seluk  mak sei sapu rata. Tanba  ida ne´e  ténki ba  vota,“esplika  Prezidente  AMP,  Kay Rala  Xanana Gusmão, Sesta (20/04/18), wainhira hala´o kampaña iha Liquiça Vila, Munisípiu Liquisa.

Alende ne´e Xanana dehan, AMP  iha nia  programa periodade 10 atu ba kaer ukun  iha tinan lima  nia laran.

“Kontinua asegura paz  no estabilidade, hametin liu  tan Estadu nia arin haat, hametin boa Governasaun no justisa, hadia edukasaun no saúde,  asegura  ekonomia no sustenatvel. Tinan lima  ne´e sei presta atensaun ba iha setor ekonomia hodi komesa hadia  povu nia moris, hadia  infraestruturas bázika katak estrada nasionais  no rejionais atu hala´o nafatin, maibe  iha mós kombinasaun dezenvolvimentu rural ba Postu Administrativu ba Suku, Hakbesik liu tan servisu  públiku ba povu,”dehan Xanana.

“Liquiça nia oan sira matenek la´os  ba tu`ur  hotu iha Díli, maibe  hela iha Liquiça, besik  povu hodi la´o haree saida mak ténki halo,“dehan tan Xanana.

Portavoz AMP, Taur Matan Ruak, deklara, Koligasaun AMP iha programa ne’ebé mesak kualifikadu ba tinan lima nia laran hanesan dezenvolve infraestrutura bázika, hadia liu tan kualidade edukasaun, hadia be mos no seluk tan. “AMP hakarak hadia be mos ba povu, hadia liu tan eletrisidade ba povu, saude, edukasaun no seluk tan,”dehan Taur.

Nune’e mos AMP, tuir Taur katak,  hakarak kontinua  dignifika veteranus  no kombatentes libertasaun nasional, grupus vulneraves, promove  igualdade jéneru, presta atensaun  ba kultura Timor-leste, uma lisan, kontinua konsolida relasaun internasional  ho rai belun sira ho mundu   tomak.avi

 

Leave a Reply

Your email address will not be published. Required fields are marked *