Ohin, TR dada sorteiu ba ParPol

Ohin, Tribunal de Rekursu (TR) iha tuku 09:30 dader, sei dada númeru sorteiu ba Partidu Politiku ho koligasaun sira ne’ebe mak admitidu ona, hodi partisipa eleisaun antesipada iha loron 12 fulan Maiu mai.

Prezidente TR, Deolindo dos Santos hatete sira notifika hotu ona koligasaun haat no partidu haat kona ba dada sorteiu ne’e, tanba kada partidu no koligasaun tenki iha nia reprezentante para hatene sira nia partidu ka koligasaun monu iha númeru hira.

“Rezultadu husi dada sorteiu hodi hetan numeru ne’e mak sei tau iha buletin de votus, nune’e populasaun sira hatene sira nia partidu monu iha numeru hira,’’ dehan Deolindo ba jornalista sira iha TR Caicoli, Segunda (2/04).

Iha lista ne’ebe mak TR admiti ne’e partidu 15 mai ho koligasaun mak hanesan Frente Dezenvolvimentu Demokratiku (FDD) kompostu husi partidu Frente Mudansa, UDT, PDN ho PUDD.

Aliansa Maioria ba Progresu (AMP) kompostu husi partidu CNRT, KHUNTO ho PLP.

Movimentu Dezenvolvimentu Nasional (MDN) kompostu husi partidu APMT, UNDERTIM, MLPM ho PLPA.

Movimentu Sosial Demokrata (MSD) kompostu husi partidu PST, PSD, CASDT ho PDC no partidu hat mai ho individual mak hanesan PR, PEP, FRETILIN ho PD.

Kona ba KOTA ho ASDT ne’ebe TR rezeita sira nia rekursu ne’e, Deolindo esplika, sira hasai estutu partidu, tanba la partisipa ona iha eleisaun to’o tinan lima, depois la iha progarma rasik iha nivel nasional no lokal. nia