Taur promete harii monomentu Francisco Xavier iha Turiscai

Portavoz Aliansa Mudansa ba Progresu (AMP), Taur Matan Ruak, promete ba militante  no  povu  Postu Administrativu Turiscai, Munisípiu Manufahi,  katak, wainhira AMP kaer ukun iha oitavu Governu, planu sei harii  monomentu  saudozu Francisco Xavier do Amaral,  iha Turiscai.

“Halo monumentu avo Xavier  iha Turiscai,  ne’e  tama iha  programa AMP  nian ba Munisípiu Manufahi,”kompromisu  polítika  ne’e portavoz AMP hato’o wainhira hala’o mini kampaña iha Postu Administrativu Turiscai Vila, Domingu (22/04/18).

Taur hatutan,  bainhira harii   monomentu saudozu Francisco Xavier do Amaral, tenki  harii  iha foho  ne’ebé mak a’as, atu nune’e  ema  liu ba mai  iha  Turiscai bele haree.

Taur Matan Ruak hatutan,  saudozu Francisco Xavier do Amaral, la’os  riku povu Turiscai   nian de’it, maibe Timor oan  sira nian hotu.

Nune’e mos   Taur Ruak dehan,  sei hadia estrada  husi Postu Administrativu Maubise Vila to’o iha Postu Administrativu Turiscai, bainhira AMP manan iha eleisaun ne’ebé sei hala’o iha loron 12, fulan maiu, tinan ne’e. “Funu difisil, tanbasa funu hasoru fatuk ho  ai, ita labele fali,”Taur subliña.

Alende ne’e, nia dehan, AMP sei melhora diak liu tan eltrisidade ba povu tomak. “Iha ha’u nia tempu sei Prezidente Republika, haree Governu lori eletrisidade fo asesu ona ba Timor ona hotu iha 75%, falta de’it 25% mak seidauk  hetan ahi eletrisidade,”Matan Ruak.avi