Assanami: PD manan sei kontinua mehi luta nain sira

Prezidente Partidu Demokratiku (PD), Mariano Assanami Sabino, husu ba militante no simpatizantes Partidu Demokratiku hotu iha teritoriu Timor laran tomak, tanba  ho numeru rua mak  sei kontinua mehi luta nain sira nian.

“Ami husu ba ita bo’ot sira atu iha loron 12, hotu hotu hakbesik an ba iha  centru votasaun  hodi  vota ba numeru 2, tanba vota ba numeru  2, vitoria ba povu TL nian,vitoria ba numeru 2, vitoria ba ita hotu,  vota ba numeru 2 vitoria ba  lider sira hotu, vitoria ba FRETILIN, vitoria ba CNRM, vitoria ba CNRT,  vitoria ba PLP, Vitoria lider rejistensia sira, Kay Rala Xanana Gusmõa, Taur Matan Ruak, Lú Olo, Mari Alkatiri, Lere Anan Timur, Ramos Horta no sira seluk, ne’ebe la konsege temi, ba PNTL, F-FDTL,” Prezidente PD, Mariano Assanami Sabino, ba militante no simpatizantes liu hosi enseramentu kampaña iha Dom Bosco Comoro Kuarta-feira (9/5/2018).

Assanami hatutan,  PD nu’udar familia demokratiku, sei  kumu liman iha hirus matan hodi hakruk ba  heroin sira ne’ebe  oras ne’e laiha tiha ona no ba sira ne’ebe oras ne’e sei  iha,hanesan lideransa sira ne’ebe temi ona iha leten.

Iha fatin hanesan Sekertariu Jeral Partidu Demokratiku, Antonio da Conceção, hateten nu’udar jerasaun foun  luta nain sira  nian sempre tane ema hotu.

“Ita hotu luta ba ukun rasik an laos ema ida rua nian deit, atu hatutan sira nia hakarak, ita iha Partidu Demokratiku, iha Eroi Nasional mak Fernando Lassama de Araujo, nia figura numeru un ba ita juventude Demokratiku,nia eroin Nasional ba Timor Leste, nomos figura ba unidade TL nian, nia laos luta ho kilat, maibe  nia luta ho hase rentos ba kilat, nia eroi  maubere ne’ebe la presija kilat, la sai veternaus mate, ne’ebe ohin loron eroi iha Jardin das eroi Metinaro. Lasama hamrik iha PD nia oin tane ema hotu-hotu tiha ona, nia halo ona ba rai ida ne’e no determina ona ba futuru  rai ida ne’e,maibe laos ho kilat,”Antonio da Conceição.

Nia hateten, Saudozo Fernando Lassama nia luta tanba ema hotu nia liberdade laos tanba ema hotu nia knananuk ohin loron ne’ebe hateten katak PD maupagador.

“Tanba ida ne’e knanuk sira ne’ebe  ohin loron dehan maupagador ita mos bele hatan devedor,devedor sira,subar iha kalilin, nia hamrik ho identidade laos falun an ho partidu ida ne’ebe mak iha,  ita laos ibun mamar ba ita nia maun sira maibe ita ,hanesan sira seluk ne’ebe mak sae palku hodi tebe rai, hodi dehan katak sira hatene ba ukun rasik an ida ne’e kalae?o komprende saida mak ami halo kalae?labe sente arogante  sai veteranus, Assanami laos veteranus, maibe mos asuwain ba rai ida ne’e,” haktuir Kalohan.

Kampaña ba dala ikus PD ne’e hetan partisipasaun antosiamu husi, militantes no simpatizantes, no hetan seguransa masimu husi PNTL, F-FDTL. No mos hetan mos observasaun husi direita husi CNE, STAE inklui Observador Internasional balun.

Kamapaña eleitoral hahu iha loron  10 fulan Abril no remata iha loron 9 fulan Maiu, no eleisaun antisipada sei halao iha loron 12 Sábado semana ne’e. Ola