FDD seidauk foti desizaun ,konabá kontaktu informal husi FRETILIN

Partidu  Koligasaun  Frente  Dezenvolvimentu  Demokratiku (FDD) simu  ona  kontaktu  husi  partidu  FRETILIN  ,maibe  FDD  seidauk  foti  desizaun, tamba  sei  hein  apuramentu  nasional  husi  CNE  no  aprovadu  husi  Tribunal  Rekursu.

“Talves  hotu-hotu  sei  kuidadu  hela  ,tamba  kontajen  ne’e  sei  tempurariu  hela  ,maibe  hau  hatete  kontaktu  informais  mai ona  liu-liu husi  partidu  bo’ot  FRETILIN  laos  foin, maibe  antes  hahú eleisaun  antesipada  no depois  de  eleisaun  antesipada  ,maibe  ami  nia  resposta  mak  ita nia  akompanha  lai  rejultadu  ne’e  to’o final no  to’o  Tribunal  Rekursu aprova” Prezidente  Komisaun Politika  Nasional (FDD) Agustinho Gomes, hatete  ba  GMN iha  nia  kna’ar fatin  Mandarin  Dili, Tersa  (15/5).

Prezidente  Komisaun Politika  Nasional (FDD) Agustinho Gomes, hatete bainhira  FDD  AMP  bolu  atu  partisipa  iha  Oitavu  Governasaun mós  sei  avansa  ho postura  programa FDD  nian  ne’ebé  promete ona  ba  komunidade  sira.

“Provizoriamente  agora ne’e  AMP  mak  atu ba forma  Governu ami hanoin  ami hakarak atu ba forma Governu  mós ,ami  ba  ho  ami sei  diskute  ami  nia  programa nune’e  aseita  ami nia programa  ami  hala’o  se  la  aseita ami nia programa  ,ami  nia fatin  sei  opozisaun  iha  Parlamentu Nasional ho ami nia programa”

Tamba  FDD  la  implementa  sira  nia programa  eleisaun  tinan  5 mai  FDD  sei  ba  koalia  saida  ba iha  komunidade  sira, FDD  mosu  atu  haforsa  alternativa  hodi  lori  solusaun mai.

Antes  ne’e FDD  deside ona apoiu AMP , maibe  to’o agora  FDD  seidauk  hetan  kontaktu formal  no informal  husi  AMP.

Lista  Kuadru Partidu Koligasaun Frente Dezenvolvimentu Demokratiku  FDD hatama  ona  sira  nia  lista  ba Parlamentu Nasional ne’ebé  kompostu husi Antonio  Benevides , Gilman dos  Santos, no  Isabel  Ximenes.tos