Palácio Governu muda naran ba Praça da Proclamação Independéncia

Hahú husi loron 20 fulan maiu ba oin, Palácio do Governo sei muda naran ona ba Praça da Proclamação da Independéncia.

Ministru Administrasaun Estatal, Valentim Ximenes hato’o lia hirak ne’e ba jornalista sira hafoin partisipa misa selebrasaun loron restaurasaun independénsia Timor Leste (20-05-2002-2018) ba dala 16, iha Igreja Motael Díli, Sesta (19/5).

“A partir dia 20 de Maiu, Palácio Governu ne’ebé mak lor-loron ita temi ne’e, ita muda ona ba Praça da Proclamação da Independencia,” hateten Valentim Ximenes.

Ministru Estatal iha VII Governu ne’e argumenta, razaun muda naran Palácio Governo ba Praça da Proclamação Independencia ne’e, tanba iha 1975 loron 28 fulan Novembru mak Timor Leste proklama ninia primeira Independénsia iha Palásiu Governu ne’e nia oin.

Nia hatutan, muda naran ba Praça Proclamação da Independencia ne’e di’ak, tanba bele garante integridade territorial, hametin liutan Estadu no nasaun soberanu iha mundu rai klaran.

“Iha 20 Maiu depois de isar bandeira, Prezidenti Repúblika, Primeiru Ministru sei ba lansa formalmente monumentu ida ne’ebé Chega Mak halo iha Praça nia oin, atu formaliza ita nia Praça da Prokclamação da Independencia,” Valentim Ximenes informa.ías