PD sei fo prioridade ba infraestrutura bazika

Partidu  Demokratiku (PD) sei tau prioridade ba Infraestrutura bazika hahu husi área rural no dada kadoras be’e mos ba uma kain Ida-idak, bainhira povu fo fiar ba PD iha Eleisaun Antesipada 12 Maiu hodi ukun Oivatu Governu Konstitusional mai.

Sekretariu  Jeral  Partidu  Demokratiku,  Antonio  da  Conceição , hato’o lia hirak nee ba Jornalista Jornal Nacional Diario hafoin sai intervente iha Programa Grande Debate, Sesta –feira iha Bebora Dili.

Lider Partido Jerasaun foun nee  preokupa ho infresetrutura bazika hanesan estrada hahu husi nasaional to’o aldeia nebe’e too agora kontinua difikulta povu atu bele lori sira nia produtu ba merkadu.

Sekretario Jeral Partido politiku ho numeru sorteiu 2 iha Eleisaun Antesipada nee mos preokupa konaba kondisaun moris povu nian ne’ebe to’o ohin loron seidauk asesu ba bee mos.

Iha  fatin hanesan Sergio  Hornai, nudar panelista iha programa Grande Debate iha GMN nee  apresia  ho programa  Partidu  Demokratiku,   tamba  programa nee  refleta  duni ba  sira  nia  programa  tinan  5  , ne’ebé  hahú  iha  baze  to’o  iha  nivel  nasional.

Partidu  Demokratiku  ho  númeru  sorteiu  2  ne’e  hatuur ninia programa no politika tuir ninia moto  “Ba  o  Timor  Hau  Maubere  Oan  Prontu  atu  Servi”. No mos lia fuan intresante nebe PD uza maka , “ Maubere oan latahan ona”. tos