PM Alkatiri agradese servisu jornalista

Sekretariu Jeral Partidu Fretilin, aktual Primeiru Ministru (PM), Mari Alkatiri hato’o agradesimentu ba kontribuisaun jornalista sira nian, durante periodu kampaña no eleisaun antesipada ne’ebé sempre prontu iha tereñu.

“Ha’u fó obrigadu ba kontribuisaun, sempre prezente iha fatin hotu-hotu, hau ba fatin hotu-hotu jornalista sempre iha ne’eba entaun obrigadu,” dehan xefe Governu ne’e hafoin ezerse ninia direitu de votu iha Eskola Primária Númeru 2 Farol, postu-administrativu Dom Aleixo, munisípiu Dili, foin lalais ne’e.

Sekretáriu Jerál partidu Fretilin ne’e mos agradese ba kontibuisaun povu nian ba paz no estabilidade liu-liu eleitor sira ne’ebe antuziasmu hakat ba sentru votasaun hodi ezerse sira nia direitu de votu.

“Ha’u só hakarak hotu-hotu sai hodi para ezerse nia direitu, ne’e eleisaun ida que importante tebes ba ita hotu atu sai husi krize institusional, i hau fiar katak povu hotu hatene ona atu vota ba ida ne’ebé,” dehan nia.Ana