JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Prizoneirus 717 sei partisipa EA

Prizoneirus 717 sei partisipa EA

Total prizoneirus kompostu husi prizaun Becora, Gleno no Suai, hamutuk 717 mak sei ezerse nia direitu demokrásia hodi partisipa iha Eleisaun Antesipada(EA), relata Diretor Nasionál Servisu Prizoneirus no Reinsersaun Sosial, Helder Marçal Belo ba jornalista, iha prizaun Bekora, Semana ne’e.

Líder prizaun ne’e informa, dadus prizoneirus ne’ebé atu partisipa vota, nia parte entrega ona ba parte STAE no CNE, atu nune’e bele koloka centru votasaun iha prizaun sira ne’e.

“Lista ami hato’o tiha ona, ami mós halo tiha ona konfirmasaun, maibe prizoneirus sira partisipa bebeik ona iha eleisaun sira, kompostu husi eleisaun prezidensial no parlamentar nian, sira iha direitu atu vota, tanba sira nia idade mós priense hotu rekezitus, ne’ebé kompleta tinan 17 ba leten, atu partisipa iha votasaun, númeru ne’ebé partisipa, ami nafatin fo korajen hodi ezerse sira nia direitu nu’udar sidadaun, maske sira iha prizaun laran,”relata diretor nasionál ba diresaun nasionál servisu prizonais.

Diretor ne’e relata tan, antes ne’e ekipa husi CNE no STAE tun ona ba prizaun sira ne’e, hodi halo edukasaun votantes ba prizoneirus no guarda prizonal sira.

“Guarda prizoneiru no liu-liu prizoneirus sira mós iha direitu ba partisipasaun iha sosial polítika, maibe prizoneiru sira ne’e tuir bebeik ona eleisaun dezde 2002 ate agora, ba 2018 nian, ami hato’o tiha ona lista ba STAE, konaba guarda prizonal nia naran no prizoneirus sira, para sira mós bele partisipa iha eleisaun ho di’ak,”hateten Helder Marçal.

Iha biban hanesan, Ministra Justisa, Maria Ângela Carrascalão, mós afirma, nu’udar sisdadaun prizoneirus mós direitu hodi ezerse nia direitu ba vota, bainhira idade atinji ona 17 anos.

Lee hotu :   PR sei interpreta Kontituisaun tuir interese Estadu

“Guarda prizonal no prizoneirus sira, no hotu-hotu iha direitu hanesan, atu hili se se de’it mak atu governa Timor-Leste, portanto ministeriu justisa, liu-liu diresaun prizonal, tenke haruka lista ida ba STAE, maibe ida nene’e haruka ba ona,”katak Maria.

Governante ne’e apela ba prizoneirus hotu, inklui eis prizoneirus sira, bainhira sai husi prizaun, atu hatene hakribi violensia no hatene halibur malu, iha maturidade hodi bele harí estadu de direitu di’akliu.

Antes ne’e, diretor jeral STAE Acilino Manuel Branco hateten, STAE tenta konfirma ona ho prizaun Bekora, Gleno no Suai hodi rekolla dadus konaba prizoneirus nian, hodi nune’e ekipa teknika bele distribui kabina de votus  no koloka ekipa fizkais no obsevador ba sentru votasaun iha prizaun sira.

Enkuantu, eleisaun antesipada sei realija iha loron 12 fulan Maiu tinan 2018, tuir kalendariu ne’ebé Prezidente Repúblika, Francisco Guterres Lú-Olo anunsia no fo sai iha jornal da repúblika hafoin deklara disolve Parlamentu Nasionál (PN) iha 26 fulan Janeiru tinan ne’e.Say

Add to Comments Here!!!!

error: Content is protected.
Secured By miniOrange
You might also like:
Hametin paz, Autoridade Suku Madohi realiza diálogu ho KPK

Atu hametin paz no estabilidade iha...

Lere husu ema hotu tane as nafatin lider Timor oan

Xefi Estadu Maior jeneral FALINTIL-Força Defesa...

Lere rekoñese nia oan Boby sala ■ Oknum PNTL lori duni kilat iha kareta laran

Xefe Estadu Maior Forsa Armadas FALINTIL...

Close