JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Taur-Xanana konsidera, Alkatiri ‘la mampu’ ukun Timor Leste

Taur-Xanana konsidera, Alkatiri ‘la mampu’ ukun Timor Leste

Porta Voz Aliansa Mudansa ba Progresu (AMP), Taur Matan Ruak, hatete, Sekretariu Jeral partidu FRETILIN, Mari Alkatiri, hanesan lider ida ne’ebé laiha kapasidade atu ukun povu Timor-Leste (TL), tamba la hatudu ezemplu diak ba povu no nasaun ida ne’e atu banati tuir.

Taur dehan, Mari Alkatiri la hatudu ezemplu diak ba povu no nasaun ne’e tamba durante FRETILIN kuandu governa rai ida ne’e nunka dura to’o tinan lima, sempre hetan falha iha dalan klaran. Tamba ne’e, Taur husu ba povu tomak atu lalikan lakontempu tan atu ba vota ba FRETILIN, ne’ebé nia lider laiha kapasidade atu ukun.

“Mari Alkatiri lider ida ne’ebé la mampu ukun, la fo ezemplu ba sidadaun sira. Lider diak, nia sidadaun diak, lider aat, nia sidadaun mos sai aat. Lori Xanana mak ohin Timor hetan ukun an. Tamba ne’e vota ba AMP hodi hadia nasaun ne’e ba oin. AMP hakarak hadia estrada diak liu tan, saúde, edukasaun, infraestrutura baziku no seluk tan ba povu no nasaun ida ne’e,”dehan Taur Matan Ruak iha kampaña eleitoral AMP nian ho tipu komisiu iha Postu Administrativu Baucau Vila, Munisípiu Baucau, Domingo (6/5/18).

Prezidente AMP, Kay Rala Xanana Gusmão, afirma katak, eleisaun antesipada ne’e hanesan referendu segundu, katak, vota ba FRETILIN sei hakiak ditadura no vota ba AMP mak sei hadia no valorize Estadu ne’e sai demokratiku liu tan. Tamba ne’e Xanana konsidera Mari Alkatiri laiha hanoin diak atu lori nasaun ne’e ba oin.

“Tamba sa mak dehan hamutuk hametin nasaun. Nasaun forma husi povu, povu mak ita hotu. Koalia kona ba Estadu, Estau nia airin haat. Maibe agora nia airin aat tia ona, vota ba AMP hodi hadia sasan sira ne’e, se imi vota FRETILIN sei ditadura,”dehan Xanana ba militantes no simpatizantes AMP nian no hetan basa liman maka’as.

Lee hotu :   Kampaña eleitoral sei halao iha 10 Abril

Xanana mos dehan, partidu FRETILIN aplika politika ida sosa povu ho osan ne’e la merese, partidu FRETILIN ba ameasa, tuda ema tun-sae, estraga partidu seluk, ne’e la merese ukun povu no rai ida ne’e.

“Ita alin ida naran iskeru iha 2006 FRETILIN husu ba sira atu sunu Alfandega, Hotel Timor, sira ba sunu duni Alfándega,”dehan Xanana.

Nune’e Xanana apela ba militantes no simpatizantes AMP atu mantein nafatin hahalok ida kalma hodi respeita partidu sira seluk hanesan agora dadauk. Ida ne’e, tuir Xanana, tamba militantes AMP mesak ema edukadu.

“Militanes AMP sidadaun ida ne’ebé edukadu, Timor oan ne’ebé matenek, ne duni respeita sira. Se sira la respeita ita, ita konhese ona sira,”dehan tan Xanana.

Xanana mos la gosta hodi kondena attitude lider FRETILIN nian ne’ebé ho polítika la’o iha Rejiaun Espesial Administrativa Espesial Ambeno, katak, atu dasa rai deit mos tenki iha kartaun FRETILIN.

“Iha oecuse atu dasa rai tenki tama FRETILIN, atu hetan  dolar 3 tenki iha kartaun FRETILIN mak ba servisu, partidu hanesan ne’e la merese ukun ita nia rai. Sira husu kartaun eleitoral, tamba ne’e partidu sira halo manipulasaun tun-sa’e ba bosok povu la merese atu fo fiar ba sira. Kuidadu Polísia sira, sira sei sogok imi ho osan, ne kuidadu.  Partidu fretilin la merese ukun rai ida ne tamba hatudu hahalok ladiak ba rai ida ne’e. partidu labele intimida, partidu tenki eduka sidadaun. Partidu ne’ebé hakarak fahe, estraga, ida ne la merese ba ukun,”dehan Xanana tan.

Xanana mos kontenti tamba militantes ho simpatizantes barak teb-tebes hanesan tsunami sa’e iha Buacau. “Ha’u haree tsunami sa’e Caucau, ha’u kontenti,”afirma Xanana.

Lee hotu :   KA aprova OJE privativu 2019 ba PN millaun US$17 ■PPN Arão:Seidauk fiksu

Iha kampaña eleitoral ne’e, lider rezistensia no juventude sira ne’ebé apoia ba AMP husu ba povu tomak no Buacau oan sira atu lalikan ona vota ba FRETILIN, maibe diak liu vota ba AMP hodi hametin nasaun, ukun to’o remata no lori kadoras mai Timor-Leste.ias

Add to Comments Here!!!!

error: Content is protected.
Secured By miniOrange
You might also like:
Assanami promete: Sei dezenvolve marmer no gás fasilita povu Lolotoe moris di’ak

Prezidenti Partidu Demokrátiku, Mariano Assanami Sabino,...

AMP sei hametin administrasaun públika

Portavoz Aliansa Mudansa ba Progresu (AMP),...

PNTL hatún obrigatoriu joven ida husi aviaun

Polísia Nasionál Timor-Leste (PNTL),  Unidade Polísia...

Close