JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Tinan ida mandatu Lú Olo infrenta dezafiu polítika foun

Tinan ida mandatu Lú Olo infrenta dezafiu polítika foun

Prezidenti Republika (PR), Francisco Guterres “Lú Olo”, rekoñese katak, durante tinan ida nia mandantu, infrenta dezafiu oi-oin, hanesan nasaun hasoru situasaun polítika foun ida ne’ebe hanetik ka hamosu obstákulu hasoru aprovasaun ba leis no instrumentu konstitusionál sel-seluk ne’ebe importante teb-tebes hodi bele ukun.

Lu Olo mensiona katak, loron 20 Maiu halo Timor oan hotu hanoin hikas  fali no hatudu momoos ita nia Nasaun nia kapasidade atu fo liman ba malu, reziste no manan.

“Ita selebra aniversáriu restaurasaun independénsia ba dala-XVI, hafoin ita nia povu hatan tiha ba dezafiu foun ida, katak eleisaun antesipada. Durante prosesu tomak ne’e, ita nia povu hato’o nia hakarak ho hakmatek, nune’e hametin demokrasia, estabilidade no paz, hanesan hau temi ona. 20 Maio kompleta tinan ida hau toma pose nu’udar Prezidente Repúblika Demokrátika Timor-Leste hodi hala’o kna’ar ne’ebe povu fo fiar mai ha’u kaer. Tinan ne’e nakonu ho dezafius ba ita hotu-hotu,” hateten Prezidenti Republika, Francisco Guterres Lu Olo iha diskursu selebrasaun loron restaurasaun independensia ba dala-XVI,  Domingu (20/5/2018), iha Praça da Proclamação da Independençia (Palacio do Governo-red).

Lú Olo mensiona mos katak, restaurasaun independénsia hatudu momoos nasaun nia kapasidade atu halo valores tradisaun no lisan nakfilak ba instrumentu hirak ne’ebe uza hodi halo sai realidade iha povu tomak nia mehi, atu harii futuru ida ne’ebe diak liu tan iha rain ne’e.

“Konstituisaun sai matadalan ba hau nia reflesaun kona ba kompromisu sira-ne’ebe mak hau foti bainhira toma pose, atu sai garante ba unidade Estadu nian no karater unitáriu RDTL nian, no hala’o hau nia kna’ar atu halibur povu tomak, sei la haree ba ema ida-idak ninia partidu, ninia estatutu sosiál no ekonómiku, relijiaun ka etnia, ne’e katak, hau-nia kompromisu atu sai hanesan Prezidente hotu-hotu nian no ba ema hotu.  Hau foti konkluzaun, tuir avaliasaun ne’ebe ha’u halo, katak presiza halo konsulta foun ho sidadaun sira hodi rezolve situasaun polítika no klarifika didiak sidadaun sira nia vontade,” Lú Olo afirma.

Lee hotu :   PR sei interpreta Kontituisaun tuir interese Estadu

Nia rekoñese katak, opsaun hodi ba eleisaun antesipada lori risku balun, tanba iha momentu ne’eba la posivel atu hatene loloos eleitór sira sei hili oinsa loos.  Maibe, buka kondisaun hodi hametin estabilidade no paz hanesan devér povu   hotu nian, sidadaun sira nian, ulun boot sira nian no órgaun soberania hotu-hotu nian tuir kompeténsia ne’ebe sira iha.

Durante preparasaun no realizasaun ba eleisaun antesipada, hahalok sidadaun sira nian iha territóriu laran tomak, ne’ebe hatudu hakmatek no maturidade, hamorin Timor-Leste nia naran iha rejiaun no iha mundu. Sidadaun timoroan sira sai ona hanesan ezemplu diak ida ba ema hotu-hotu, inklui ulun boot sira, atu banati tuir, ohin-loron no aban-bainrua.

“Hosi ha’u nia parte nu’udar Xefe Estadu, hodi hala’o hau nia kompeténsia sira, hau fo hanoin hikas fali katak, iha ita-nia sistema konstitusionál, Prezidente Repúblika la’os deit símbolu Nasaun ida nian, maibe mos órgaun soberania ida ne’ebe kaer responsabilidade aas liu atu lori ita nia rain ida ne’e ba dalan estabilidade no garante sistema polítiku la’o ho diak,” hateten Lu Olo.

Serimonia komemorasaun restaurasaun Independensia 20 Maiu ba dala-XVI ne’e, Prezidenti Republika, Francisco Guterres Lu Olo, ne’ebe  akompaña mos husi Primeiru Ministru, Mari Alkatiri, inaugura Plaka Praça da Proclamação da  Independençia RDTL ne’ebe lokaliza iha Palacio do Governo oin. mia

Add to Comments Here!!!!

error: Content is protected.
Secured By miniOrange
You might also like:
Prizioneiru Prizaun Bekora sei transfere balun ba Gleno no Suai

Diretor prizaun Bekora, João Domingos, hatete...

SAT-EOD alerta kombate infiltrasaun terrorizmu

Seksaun Anti Terrorizmu (SAT) no Explosive...

Eladio Rojas : “Ha’u rekuiñese no louva tebes forsa husi ekipa Atl. Ultramar”

Treinador Clube Boavista Timor ,Eladio Rojas,...

Close