Tribunal Rekursu rezeita rekursu husi partidu FRETILIN

Tribunal Rekursu (TR) deside rezeita rekursu husi partidu  FRETILIN no promete iha loron Segunda (28/05) semana oin sei proklama rezultadu Eleisaun Antesipada (EA) ne’ebe hala’o ona iha loron 12 fulan Maiu tinan 2018 ne’e.

 “ Rekursu FRETILIN nian sai ona no notifika ona parte hotu liu-liu Partidu Politika sira, agora ita  hein fali rezultadu eleisaun ne’e Segunda semana oin ne’e ita fo sai ona,’’ deklara Prezidente TR, Deolindo dos Santos, ba jornalista sira, Kuarta (23/05) horseik.

Nia informa, iha buat rua ne’e la hanesan, rekursu ne’e tenki sai uluk, mak tenki haree fali rezultadu eleisaun, tan ne’e nia husu ba públiku labele ansi no konfuzaun.

Hafoin desizaun TR mos notifika kedas parte hotu kona ba desizaun TR nian ne’ebe rezeita rekursu FRETILIN nian.Desizaun rekursu ne’e Juis relator  Deolindo dos Santos, Maria Natersia ho Jacinta Correia.

Antes ne’e Prezidente Comisaun Nasional Eleisoens (CNE) Alcino Barris informa, hafoin sira halo apuramentu, CNE simu reklamasaun husi partidu FRETILIN ne’ebe la satisfas ho rezultadu iha centru votasaun balun.

“ Entaun sira nia reklamasaun ne’e ami lori ona mai TR hanesan rekursu, tanba TR mak iha kompetensia tomak hodi halo desizaun ba reklamasaun sira husi partidu ne’ebe la satisfas ho resultadu eleiesaun antesipada,’’ tenik Alcino. Nia