JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

AMP INDIJITA TAUR MATAN RUAK BA PM  22 JUÑU SIMU POSSE

AMP INDIJITA TAUR MATAN RUAK BA PM 	22 JUÑU SIMU POSSE

Aliansa Mudansa ba Progressu (AMP), indijita ona Taur Matan Ruak ba Primeiru Ministru (PM), hodi lidera VIII Governu Konstitusional.

Maski nune’e AMP sei hein nomeiasaun husi Prezidenti Repúblika (PR) Francisco Guterres Lú Olo, hodi simu tomada de posse iha loron 22 fulan Juñu 2018, iha Palásiu Nobre Lahane.

Nune’e mós Prezidenti AMP, Kay Rala Xanana Gusmão deklara katak, data tomada de posse ba membru governu no nomeasaun Primeiru Ministru VIII Governu konstitusional Prezidenti Repúblika, Francisco Guterres Lú Olo mak sei desidi hodi fó sai.

“Ohin ami mai dehan deit katak enkontru rápidu teb-tebes, rápidu ne’e signifika mós katak iha hanoin hanesan, hakarak hanesan, hanesan kalendáriu ba tomada de posse karik, kalendáriu ba fali ida ne’e karik. Maibé buat ne’e hotu Prezidenti mak sei fó sai, Prezidenti sei nomeia Primeiru Ministru mak nia sei fó sai ba imi sé mak Primeiru Ministru, tomada de posse bainhira Prezidenti mak sei fó sai,”hateten Prezidenti AMP, Kay Rala Xanana Gusmão ba jornalista sira, hafoin hasoru malu ho Xefi Estadu Francisco Guterres Lú Olo, iha Palásiu Prezidensial Bairu Pite Díli, Tersa (19/6).

Iha sorumutu ho PR ne’e, Prezidenti AMP akompaña mós husi membru estrutura AMP, hafoin hetan konvite husi Prezidenti Republika (PR), Francisco Guterres Lú Olo ne’ebé konvoka partidu no koligasaun partidária sira ne’ebé hetan asentu iha Parlamentu Nasionál (PN) hodi koalia konaba indijitadu Primeiru Ministru ba VIII governu konstitusionál.

Tuir Kay Rala Xanana Gusmão, Prezidenti Repúblika mak iha kompeténsia sei fó sai data tomada de posse no naran nomeiasaun Primeiru Ministru VIII Governu, tanba tuir régras demokrasia iha uluk Prezidenti Repúblika mak iha parlamentu no governu.

Lee hotu :   AMP sei la retira mosaun sensura

“Ne’ebé hein Prezidenti maka sei fó sai, tanba, ita iha Prezidenti, iha Parlamentu mak iha governu, la’os fali governu sa’e fali ba leten, Prezidenti tuun fali mai kraik. Ne’ebé ita tuir régras, tuir demokrasia mas, tuir régras,”Xanana hatutan.

Iha fatin hanesan Sekretáriu Jeral Partidu FRETILIN, Mari Alkatiri hateten, sé de’it mak ba Primeiru Ministru tenki iha relasaun ho órgaun soberania sira seluk no partidu polítiku sira tenki halo uluk opozisaun ba Primeiru Ministru nu’udar xefi governu hodi bele hatudu servisu di’ak.

“Ha’u dehan de’it imi bele komprende, ha’u tama mai ne’e kaman ona no agora ha’u sai husi ne’e kaman liu ona. Signifika katak governu foun atu mai ona. Tempu badak ka naruk ne’e depende ba ema ida-idak, ba ha’u hakarak badak. Se de’it iha Timor tenki lida ho orgaun soberania sira ke iha, se nia Primeiru Ministru, nia xefi governu, nia Prezidenti Konsellu Ministru, labele inventa buat seluk, se nia mak xefi governu i Prezidenti Konsellu Ministru. Partidu politiku sira tenki halo opozisaun uluk ba nia, la’os opozisaun para atu hatun, prontu opozisaun para atu ejiji servisu di’ak liu,”hateten Mari Alkatiri hafoin hamutuk ho estrutura FRETILIN hala’o sorumutu mós ho Prezidenti Repúblika, Francisco Guterres Lú Olo.

Alkatiri hatutan, FRETILIN sei sai opozisaun ida forte, atu governu bele iha sentidu responsabilidade bainhira ukun, maibé la’os atu hatun governu.

“FRETILIN ne’e iha sentidu responsabilidade durante tinan hira ne’e halo opozisaun forte tebes, la rekoñese 4 governu durante tinan 5. Agora tenki fila fali opozisaun ida forte maibé la’os atu hatun governu,”nia afirma.

Antes ne’e Prezidenti Repúblika, Francisco Guterres Lú Olo mós hala’o ona enkontru ho lideransa partidu no koligasaun partidária sira ne’ebé hetan asentu iha Parlamentu Nasional hodi koalia konaba formasaun VIII Governu konstitusional.ías

Add to Comments Here!!!!

error: Content is protected.
Secured By miniOrange
You might also like:
MS IMPLEMENTA REJISTU SERVISU SAÚDE ELEKTRONIKA

Ministru Saúde  Rui Maria De Araujo...

FDD DESIDE AVANSA HO BANGKADA KETAK-KETAK

Koligasaun Forum Dezenvolvimentu Demokrátiku (FDD) ne’ebé...

Prezidente Konsellu Administrasaun GMN agradese ba funsionariu GMNTV nebe servisu profesional

Prezidente  Konsellu  Administrasaun  Grupo Media Nasional...

Close