JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

DEPUTADU FOUN PRESIZA HATENE REGRAS ORSAMENTU JÉRAL NO ORSAMENTU RETIFIKATIVU

DEPUTADU FOUN PRESIZA HATENE REGRAS ORSAMENTU JÉRAL NO ORSAMENTU RETIFIKATIVU

Eis Ministra Finansa, Fernanda Borges, husu ba deputadu foun V lejislatura atu  hatene hodi kompriende regras Orsamentu Jeral Estadu (OJE) no Orsamentu Retifikativu (OR), nune’e labele komplika iha sira nia atividade.

Fernanda Borges nu’udar mos eis deputada husi bankada Partidu Unidade Nasional, hatete lia hirak ne’e iha semináriu akollamentu deputadu V lejislatura faze daruak nian, Kuarta (28/06/2018) ne’ebé ho tema regras Orsamentu Jeral Estadu.

Eis Ministra Finansa, Fernanda Borges, esplika, buat hotu iha Parlamentu Nasional so bale aseitavel bainhira deputadu sira vota, atu iha komisaun ida-ida ka iha plenária.

Oradora Fernanda Borges hatutan, Orsamentu Jeral Estadu, deputadu sira mak sei aprova ba tinan ida tomak. Maibé bainhira to’o tinan klaran mak iha situasaun urjente ruma ne’ebé implika moris povu nian, ka Governu presiza tan osan atu asegura funsionamentu Estadu, bele husu tan Orsamentu Retifikativu.

Eis deputada ne’e mós esplika ba deputadu foun sira katak, Orsamentu Retifikativu ne’e signifika atu hadia Orsamentu Jeral Estadu tinan ida nian ne’ebé mak aprovadu tiha ona.

Eis lejislador ne’e mós sujere ba lejislador foun, atu entende letra konstituisaun, liu-liu Kestaun OJE iha konstituisaun artigu 95 ne’e mak, deputadu sira tenki haree didiak.

“Konstituisaun Artigu 95 ne’e, ha’u hamosu perguntas barak. Mas ha’u nu’udar orador ida, ha’u labele deside, maibé ha’u husu de’it perguntas ba ita bo’ot (deputadu) sira.  Perguntas primeiru mak ne’e, OJE monu ba konstituisaun artigu 88 alinea 2 ka artigu 88 alinea 3?. Saida mak hakerek iha konstituisaun RDTL artigu 95 iha kada númeru no alinea?, iha artigu 95 ne’e, lei OJE inklui iha artigu 95 ka la’e? tanba ha’u la haree OJE hakerek klaramente iha ne’eba, sera que artigu 95 ne’e rekere aplikasaun regra dois tersus ba lei hotu no matéria hotu ne’ebé hakerek iha artigu ida ne’e,” katak Fernanda Borges.

Lee hotu :   Mari Alkatiri: Labele taka GAM iha nasaun demokrátiku

Fernanda Borges hatutan, perguntas sira ne’e mosu, tanba iha konstituisaun artigu 88 alinea 2, maioria dois tersus deputadu prezente bele halo konfirmasaun ba diploma ka materia ne’ebé hakerek iha artigu 95.

Ida ne’e signifika katak, artigu 95 ne’e tomak kahur buat hotu iha ne’eba, tanba deslokasaun Prezidenti Repúblika nian ba rai liur mós tama iha artigu ne’e.

“Ida ne’e ha’u hanoin dois tersus la presiza, tanba se ita presiza vota dois tersus atu bele halo meja Parlamentu Nasional ne’e labele, tanba ida ne’e kompetensia Parlamentu Nasional nian tiha ona. Ida ne’e signifika buat hotu monu iha dois tersus, tanba númeru 1 husi artigu 95 ne’e, hateten katak, kompete ho Parlamentu Nasional, lejislar kona ba kestaun bazikas polítika interna no externa nasaun nian. Ida ne’e signifika katak, lei hot-hotu mai ne’e monu hotu ba dois tersus ne’e, ha’u hanoin la’os intensaun lejislador nian, tanba imposivel, ida ne’e Parlamentu nunka bele funsiona ho efikasia, tanba ita sistema proporsional ne’e, nunka atu hetan dois tersus ne’e susar,” relata Fernanda Borges.

Atual assessora permanente Ministério Finansa ne’e hatutan, iha ne’eba mós la temi Orsamentu Jeral Estadu no lei, tanba Prezidenti Repúblika nia kompetensia ne’e, atu veta lei ida, maibé iha artigu 95 alinea 2 ne’e hateten katak, Parlamentu Nasional mak halo lei.

“Entaun perguntas ba ha’u ne’e, OJE ne’e tama ka la’e, tama iha konstituisaun artigu 95 ne’e la temi kona ba ida ne’e, no iha rejime orsamental nian mós, ko’alia kona ba lei jestaun finanseira ona, li-liu regras atu halo orsamentu. Entaun perguntas ba ha’u mak, nusa mak asembleia konstituente tau fali iha artigu 145 dok tiha husi artigu 95 kona ba OJE ne’e aprova husi  se,” katak Fernanda.

Lee hotu :   Veteranus no kombatentes Díli nian hahú konfirma naran

Maibé Fernanda dehan, ida ne’e komptensia deputadu sira nian atu deside, OJE ne’e aprova iha Parlamentu Nasional.

“Karik lejislador sira hatene ida ne’e katak, sira halo ida ne’e sei halo blokeamentu ba Orsamentu Estadu karik?, tanba ne’e mak sira tau iha artigu 95, maibé muda fali ba artigu 145, hodi Parlamentu Nasinal rasik mak bele deside, entaun ha’u hamosu duvidas kona ba aplikasaun artigu 88 alinea 3 ne’e, tanba se presiza rekere 2 tersus bainhira Prezidenti Repúblika veta Orsamentu Estadu, ou bele iha baze atu aplika de’it artigu 88 alinea 2 ne’ebé hateten katak, presiza de’it maioria absoluta no efetividade funsaun,” tenik Fernanda Borges.

Seminariu akollamentu ba deputadu foun ne’e, durante loron 3, hahú iha loron 27 to’o 29.

Enkuantu iha faze dahuluk, orador sira lori matéria ho tema 4, papel Parlamentu Nasionál, mandatu Parlamentar, prosesu lejislativu komun no papel grupu muller Parlemntar.

Iha faze daruak ho tema, regras OJE, direitu opozisaun, prosesu orientasaun no fiskalizasaun polítika, inklui konaba bankada no komisaun parlamentar no diplomasia parlamentar.

Nune’e iha faze datoluk, orador sira sei lori matéria ho tema administrasaun parlamentar, estrutura orgánika sekretariu jeral, no planu estratéjiku Parlamento Nasionál tinan 2017-2022.

Orador ba semináriu akollamentu deputadu V lejislatura ne’e, kompostu husi, Eis Prizidente Parlamentu Nasionál Vicente Guterres, eis ministra finansa, Fernanda Borges, eis deputada Jacinta Abu Cau, eis prezidente GMPTL Joséfa Soares, reprezentante Internasional Republican Institute (IRI), GRIC no sekretariu jeral Parlamentu Nasionál.

Enkuantu, deputadu V lejislatura hamutuk 65, kompostu husi bankada FRETILIN, CNRT, PLP, PD, KHUNTO, PUDD, UDT no Frente-mudansa.Say

Add to Comments Here!!!!

error: Content is protected.
Secured By miniOrange
You might also like:
IGREJA AIMUTIN HEIN FINISHING

Projektu konsruksaun Igreja Paroquia São José-Aimutin,...

PR MESAK LEBELE NOMEIA NO EZONERA FILOMENO PAIXÃO

Prezidenti Repúblika (PR), Francisco Guterres Lú...

MP HUSU ANA PESSOA SAI SASIN BA KAZU GASTÃO DE SOUSA

Ministeriu Públiku liu husi prokuradora Lidia...

Close