JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Embaixador Portugal louva maturidade povu TL

Embaixador Portugal louva maturidade povu TL

Embaixador foun Portugal ba Timor-Leste, José Pedro Machado Vieira, louva povu Timor-Leste (TL) nia maturidade hodi hala’o eleisaun jeral tinan 2017 no eleisaun antesipada 2018 ho susesu, maske mosu tensaun polítika entre partidu polítiku sira.

Tanba ne’e, nia parte laiha dúvida demokrasia ne’ebé eziste iha Timor-Leste nu’udar nasaun demokrasia ida iha mundu.

“Ha’u atu hateten oitoan kona-ba asuntu internu Timor-Leste, los duni katak Timor-Leste ho Estadu ho demokrasia ne’ebé dilikada tebes alias laiha tempu barak, maibé sai mós ami-nia satisfasaun no hanesan simeira ida, em termo prinsipiu demokrátiku nian iha rejiaun ne’e no ha’u bele hateten katak eleisaun ne’e la’o ho  forma visismu no maturidade bo’ot hosi partisipasaun populasaun ne’ebé  vota  ho forma signifikativa, tan ne’e laiha dúvida kona-ba demokrasia iha Timor-Leste,”hateten embaixador Portugal, José Pedro Machado Vieira, ba GMN iha nia knar fatin Acait-Dili, Segunda (04/06/2018).

Diplomáta Portugal ne’e garante, ho demokrasia ne’ebé iha, relasaun bilateral entre Timor-Leste ho Portugal kontinua metin hodi koopera malu iha prosesu dezenvolvimentu.

“Ha’u laiha mensajen própria, maibé ha’u fiar katak ami-nia kooperasaun ho Timor-Leste sei kontinua no entusiazmu tebes atu kontinua halo relasionamentu hodi bele dezenvolve ami-nia kooperasaun bilateral ho Timor-Leste,”Machado garante.

Enkuantu, embaixador Portugal iha TL, José Pedro Machado Vieira, hetan nomeiasaun husi Prezidente repúblika Portugal, Marcelo Rebelo de Souza, iha loron 14 fulan Setembru, tinan 2017, no aprezenta kredensial ba Prezidente Repúblika Timor-Leste, Francisco Guterres ‘Lú Olo’ iha loron 19, tinan ne’e.Say

 

Lee hotu :   PR rona MDI aktualiza apoiu EUA rehabilita aeroportu Baucau

Add to Comments Here!!!!

error: Content is protected.
Secured By miniOrange
You might also like:
PD sei vota a favor ba programa governu

Prezidenti Partidu Demokrátiku (PD) Mariano Assanami...

FRETILIN la admite nia kuadru sira tama VIII governu

Sekretáriu Jerál Partidu FRETILIN Mari Alkatiri...

FRETILIN tristi VIII Governu seidauk ezisti, Xanana Gusmão: Depois de tomada de posse AMP indizita PM

Prezidente Aliansa Maioria ba Progresu (AMP) ...

Close