FDD DESIDE AVANSA HO BANGKADA KETAK-KETAK

Koligasaun Forum Dezenvolvimentu Demokrátiku (FDD) ne’ebé kompostu husi partidu UDT, PUDD no Frente Mudansa, deside hodi avansa ho bankada ketak-ketak iha PN ba mandatu V lejislatura nian, informa sekretaria meja PN, Maria Terezinha Viegas ba jornalista iha PN, Segunda (18/06/2018).

Tuir Maria Terezinha Viegas, katak, maske antes ne’e, partidu tolu refere inklui ho partidu ida seluk PDN ne’ebé lakonsege inklina iha Parlamentu, tanba rezultadu la’o hamutuk durante eleisaun la to’o atu bele hola parte hotu, maibe reprezentante husi partidu PUDD, UDT no Frente Mudansa mak konsege hola parte iha V lejislatura, iha posibilidade mós atu bele avansa ho bankada ketak hanesan koligasaun Aliansa Mudansa ba Progresu (AMP) ne’ebé kompostu husi bankada CNRT, PLP no KHUNTO.

“Iha FDD nian, sira adianta ba eleisaun nu’udar bloku  koligasaun, maibe iha rejimentu rasik la taka dalan ba FDD atu konstitui nia bankada ketak-ketak, iha ne’e sira iha direitu hanesan mós AMP rasik ne’ebé sei konstitui nia bankada tolu separadas, maske eleisaun ne’e avansa ho koligasaun,”relata Maria Terezinha Viegas.

Iha rejimentu internal Parlamentu Nasionál artigu 11 aliñea 1 hateten, deputadus eleitu husi partidu ka koligasaun partidaria bele konstitui bankada parlamentares independente husi ezistensia koligasaun pre-eleitoral nian.

Rejimentu PN artigu 11 aliñea 2 mós hateten, antes harii bankada, deputadu sira sei indika nia Prezidente no Vise-Prezidente hodi diriji ba Prezidente Parlamentu Nasionál liu hosi eskrita.

Enkuantu deputadu husi PUDD mak Antonio de Sá Benevides, husi UDT, Gilman exposto no husi Frente Mudansa mak Isabel Ximenes.Say

 

Leave a Reply

Your email address will not be published. Required fields are marked *