JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

POLÉMIKA AMP FAHE BANKADA, PTR KONSIDERA KESTAUN POLÍTIKA

POLÉMIKA AMP FAHE BANKADA, PTR KONSIDERA KESTAUN POLÍTIKA

Prezidenti Tribunal Rekursu (PTR), Deolindo dos Santos, konsidera polemika Aliansa Mudansa ba Progressu (AMP) fahe malu Bankada Parlamentar la’os kestaun legal Tribunal nian, maibe ne’e kestaun polítika.

Deolindo dos Santos, esplika katak, AMP fahe malu Bankada ketak-ketek bazeia ba akordu pre-eleitoral no estatutu AMP nian rasik.

Aliansa Mudansa ba Progressu (AMP) harii husi Partidu 3, kompostu husi partidu CNRT, PLP ho KHUNTO. Nune’e, wainhira sira hetan asentu iha Parlamentu Nasionalv kontinua avansa ho bankada 3 la’os bankada AMP.

“Ha’u atu dehan katak, kestaun ne’ebe dadauk debate ne’e kestaun mais politiku, ne’ebe buat balu la kabe ba tribunal nia serbisu,” hateten PTR Deolindo dos Santos, hodi responde jornalista sira iha Palacio do Governo, Kinta (28/6/2018).

Deolindo hateten, to’o agora la iha prosesu ruma mak rejistu iha Tribunal Rekursu kona-ba kentestamentu ba AMP fahe bankada iha PN.

Kona-ba asuantu legalidade, Prezidenti Conselho Diretiva Nasional AMP, Dionisio Babo Soares  hateten, lei partidu politiku fo dalan atu AMP bele forma bankada ketak-ketak iha Parlamentu.

“Iha lei partidus politikus hateten klaru katak formasaun aliansa ka pre eleitoral depende ba partidu sira ne’ebe forma aliansa ne’e, no avansa pre eleitotal depois eleisoens sira bele deside. Sira iha lista unika ne’e tur hamutuk ba sekuensia ne’ebe determina ka sira tur tuir bankada ida-idak nian, depende ba komprimisiu ne’ebe halo antes eleisaun, ne’ebe partidu tolu ne’e la hanoin atu ketak-ketak, tanba sira mai ho programa ida, vizaun ida deit, ne’ebe bele fahe, hodi  nune’e iha vizibilidade intermus politikus ba partidu tolu katak sira mantein partidu ketak-ketak no identidade iha nafatin, maibe sira forma aliansa maioria parlamentar iha parlamentu atu bele garante estabilidade governativa iha tinan lima mai, ne’ebe la’os buat foun, no lei rasik garante tiha ona,” hateten Prezidenti CDN-AMP, Dionisio Babo Soares.

Lee hotu :   XANANA LIDERA NAFATIN CNRT Aprova rezolusaun la partisipa iha VII Governu

Husi sorin seluk, Prezidenti CDN-AMP, Fidelis Magalhães esplika liu tan, iha rejimentu Parlamentu Nasional artigu 11 fo dalan atu partidu tolu ne’ebe forma pre-eleitoral ne’e bele harii ida-idak ninia bankada iha PN.

“Iha rejimentu parlamentu artigu 11 koalia katak partidu sira, maske iha koligasaun pre eleitoral, wanhira to’o iha parlamentu iha dereitu atu bankada ketak-ketak, no sira partidu ida, maibe forma akordu ida forma koligasaun ida ne’ebe bankada tolu tur hamutuk mos la taka dalan, ka partidu ida labele konkorda katak derepente nia fila nia hanoin atu la konkorda ho desizaun ruma, hau hanoin ida ne’e bele akontese, maibe hau fiar sei la akontese, partidu tolu ne’e sei metin nafatin, tanba Governu ne’e Governu AMP nian, bankada ketak la iha implikasaun kona ba estabilidade Governativa, estabilidade Governativa ne’e depende ba partidu nain tolu nia serbisu hamutuk atu atinzi objetivu ba dezenvolvimentu nasaun nian,” salienta Fidelis Magalhães. mia

Add to Comments Here!!!!

error: Content is protected.
Secured By miniOrange
You might also like:
LAEN LANU, FEN SIMU BASA NO TUKU BEIBEIK

Lezada ho inisial CS sempre hetan...

30 SETEMBRU LORON IKUS BA RE-REJISTRASAUN SIMCARD

Prezidente Autoridade Nacional da Comunicação (ANC),...

DEPUTADU FOUN PRESIZA HATENE REGRAS ORSAMENTU JÉRAL NO ORSAMENTU RETIFIKATIVU

Eis Ministra Finansa, Fernanda Borges, husu...

Close