JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR LA VETA LISTA MEMBRU VIII GOVERNU

PR LA VETA LISTA MEMBRU VIII GOVERNU

Prezidenti Repúblika (PR), Francisco Guterres Lú Olo la veta lista membru VIII Governu Konstitusional balun ne’ebé aprezenta husi Primeiru Ministru (MP) indijitadu Aliansa Mudansa ba Progressu (AMP) Taur Matan Ruak.

Xefi Kaza Sivil Prezidenti Repúblika, Francisco Maria de Vasconselhos hato’o deklarasaun ne’e liuhusi konferensia imprensa iha Palásiu Prezidensiál bairu Pite Díli, Kuarta (27/6) ne’e, relasiona ho publikasaun informasaun iha média nasionál no internasionál balun ne’ebé hateten katak, Prezidenti Repúblika rejeita lista membru VIII Governu Konstitusional balun ne’ebe aprenzenta husi Primeiru Ministru indijitadu, Taur Matan Ruak.

Tanba ne’e Francisco de Vasconselhos, fundamenta informasaun ne’ebé espalla iha públiku ne’e laloos, tanba Prezidenti Repúblika iha momentu ne’ebá, hala’o sorumutu ho Primeiru Ministru indijitadu AMP Taur Matan Ruak, husu atu tetu fila fali razaun tanba sá mantein ho naran ka lista membru VIII Governu Konstitusionál hirak ne’ebé iha responsabilidade kriminál.

Hafoin tomada -de – posse  Primeiru-Ministru, tuir kedas tomada-de-posse ba ema liu na’in rua nulu hanesan membru VIII Governu Konstitusionál. Iha média sosiál nasionál, no tuir kedas, média iha rai li’ur, fó sai  informasaun no interpretasaun ne’ebé  laloos katak (kona-ba desizaun) Prezidenti Repúblika la veta ka rejeita ema balun iha lista ne’ebé aprezenta husi Primeiru-Ministru indijitadu husi AMP. Prezidenti Repúblika seidauk veta, ema ida nia naran  iha lista  ne’ebé  propoen  husi señor Taur Matan Ruak  ne’ebé agora hala’o dadaun nian funsaun konstitusionál hanesan Primeiru-Ministru RDTL. Prezidenti Repúblika husu atu konsidera fali no pondera ka tetu razaun tanbasá mantein naran sira ne’e iha lista membru VIII Governu Konstitusionál,” hato’o Xefi Kaza Sivíl Prezidenti Repúblika, Francisco de Vasconselhos.

Lee hotu :   PM Alkatiri konsulta programa governu ho sosiedade sivil

Nia hatutan, PR mós konsiente no hatene katak membru governu balun ne’ebé iha alegasaun ba krime balun, iha responsabilidade kriminál no tenki suspende kedas atu bele ba hatán iha Tribunál.

“Membru Governu sira iha responsabilidade kriminál no tenke suspende kedas husi sira-nia funsaun atu bá hatan iha tribunal, wainhira hetan ona akuzasaun definitiva ba krime ne’ebé bele hetan kastigu liu tinan 2 (rua) artigu 113 Konstituisaun RDTL nian hateten katak, membrus Governu  iha responsabilidade kriminál. Responsabilidade kriminál husi membru Governu sira haree momoos ona iha artigu 113.1 Konstituisaun RDTL. Pontu 1 artigu 113 Konstituisaun nian hatete hanesan ne’e: Artigu 113. 1 (Responsabilidade kriminál Membrus Governu) Membru Governu ne’ebé hetan akuzasaun definitiva  katak halo krime ida ne’ebé bele hetan kastigu liu tinan rua, tenke hetan kedas suspensaun (katak labele hala’o nafatin ninia knaar), hodi  tuir prosesu iha tribunál. Nu. 2 artigu ne’e nian hateten katak membrus Governu ne’ebé halo krime ladún grave ka boot no bele hetan kastigu kadeia la liu tinan rua, bele hetan mós suspensaun, nu’udar membru Governu. Maibé tanba krime ladún grave/boot, Konstituisaun Repúblika determina katak Parlamentu Nasionál mak tenke desidi membru Governu hetan suspensaun ka la’e. Pontu 2 hasai husi Konstituisaun rasik hatete: “Bainhira membru Governu hetan akuzasaun definitiva katak nia halo krime ne’ebé bele hetan kastigu la liu tinan rua, Parlamentu Nasionál mak desidi se governante ne’e tenki hetan suspensaun ka la’e,” nia esplika.

Nia haktuir katak, tuir konstituisaun RDTL, Prezidenti Repúblika veta de’it ba diploma legál ka lei sira no la veta individu sira.

“Prezidenti Repúblika, haktuir de’it ninia dever Konstitusionál no iha konsiderasaun ba preokupasaun husi sosiedade sivíl sira no nune’e, husu atu garante katak, atu tetu didi’ak no pondera sé loos mak bele tama ba VIII Governu Konstitusional. Ita hot-hotu hakarak VIII Governu hala’o mandatu tinan lima, tuir Konstituisaun haruka.

Lee hotu :   ME hamenus estudante RE, FRETILIN lamenta, AMP apoia

Nia hatutan, iha reuniaun dahuluk ho AMP iha loron Segunda 4 Juñu 2018, Prezidenti Repúblika hato’o ona ninia preokupasaun konaba Governu ida ne’ebé moos husi korrupsaun.

“Prezidenti Repúblika hato’o ona ninia preokupasaun mak temi iha leten ne’ebé hanesan mós sidadaun sira-nia preokupasaun kona-ba korrupsaun. Prezidenti Repúblika mós iha konxiénsia no hatene saída mak prezunsaun-de-inosénsia, saída mak imunidade no saída mak responsabilidade kriminál. Prezidenti Repúblika iha konxiénsia no hatene mós saída mak separasaun poder no interdependénsia entre órgaun soberanu sira. Ho respeitu ba segredu justisa no mós ba naran di’ak sidadaun ida-idak nian, tuir mai ami fó-sai karta ne’ebé Prezidenti Repúblika haruka ba S.Exa. PM VIII Governu Konstitusionál,”haktuir Xefi kaza Sivil PR ne’e.

Nia hatutan, konaba poder atu nomeia no ezonera Xefi Estadu Maior General Forsa Armadas (CEMGFA), Maijor Jeneral Lere Anan Timur no Vise Xefi Estadu Maior General Forsa Armada (CEMGFA), Brigadeiru Jeneral Filomeno Paixão de Jesus ne’e Prezidenti Repúblika mesak de’it labele ezonera.

“Kona-ba pedidu ezonerasaun ba Vise-Xefi Estadu Maior General forsa armada (CEMGFA), Brigadeiru Jeneral Filomeno Paixão de Jesus, ne’e tuir Konstituisaun no ukun ne’ebé ita hakruuk ba, pedidu ne’e bele tatoli mai tuir proposta Governu liu-tiha hala’o sorumutu ho Konsellu Superior Defeza no Seguransa. Poder atu nomeia no ezonera Xefi Estadu Maior General Forsa Armadas (CEMGFA) no Vise-Xefi Estadu Maior General Forsa Armada (CEMGFA) mak poder ida ne’ebé Prezidenti fahe ho Governu. Prezidenti mesak de’it labele ezonera CEMGFA no Vise-CEMGFA,”haktuir Xefi Kaza Sivíl liuhusi konferénsia imprensa ne’e.ías

Add to Comments Here!!!!

error: Content is protected.
Secured By miniOrange
You might also like:
PN DESIDE ONA MEMBRU KEP

Parlamentu Nasionál (PN) liu hosi plenaria...

ESTASAUN MISIONARIO PASSABE SAI PAROKIA

Bispu Dioseze Dili Dom Virgílio do...

GOVERU FOUN TENKI FO IMPORTANSIA BA LEI BIODIVERSIDADE

Vise Ministru Dezenvolvimentu Abitasaun Ordenamentu no...

Close