JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR NUNKA BELE VETA LISTA MEMBRU GOVERNU

PR NUNKA BELE VETA LISTA MEMBRU GOVERNU

Prezidenti Republika nunka bele veta lista membru Governu ne’ebe haruka husi Primeiru Ministru.

Jurista Timor-oan, Manuel Tilman hateten, Konstituisaun  RDTL  artigu 106 alina 2 esplika momos, katak Primeiru Ministru mak propoin membru Governu, depois  Prezidente Repúblika nomeia.

Nia hatutan, lista membru Governu nain  12 ne’ebe suspende hela la kostan iha lista numeru ida ne’ebe Primeiru Ministru haruka ba Prezidente Republika. Katak,  suspende hela,

signifika Prezidente Republika nunka bele veta ministru ne’ebe hetan konfiansa  husi PM tanba orgaun rua iha nasaun ne’e iha ida-idak nia kompetensias rasik.

Nia esplika kompetensia ezekutiva PM mak propoin membru Governu, diferente ho proposta PM tenke mai husi partidu ne’ebe manan iha eleisaun.

“Se mak propoin membru Governu tenke Primeiru Ministru, katak PR la iha kompetensia atu veta lista membru Governu ne’ebe PM aprezenta ba PR,” hateten Manuel Tilman ba jornalista iha nia serbisu fatin, Segunda (26/6/2018).

Kona-ba razaun balun ne’ebe iha, katak PR Lu Olo pendenti lista membru Governu nain 12 tanba deskunfia envoilva iha kazu balun no sira nia prosesu lao hela iha tribunal, Manuel Tilman hateten, la iha baze legal  PR atu halo ida ne’e, tanba tuir lei  hatur iha Konstituisaun, dehan, ema sira ne’e sei  kategoria  prezusaun inosesia.

“Ita nia PM ka PR laos tan deit prejunsaun inosensia suspende ona ema sira ne’ebe konstituisaun hateten sei inasensia hela,” hateten Manuel Tilman.

Nia esplika mos katak, maske akuza naran tama tiha ona iha Tribunal marka tiha ona data julgamentu kandidatu ba ministru nia sei inosensia nafatin, tanba konstituisaun dehan bainhira tranzita julgamentu signifika julgamentu hotu ona.

Lee hotu :   Komisaun D husu implementa loloos programa povu kuda Governu sosa

Jurista Manuel Tilman rasik la aseita bainhira publiku dehan Prezidente Republika Francisco Guterres Lu Olo mak veta lista membru VIII Governu.

“Ha’u nia hanoin laos Prezidente Repúblika Francisco Guterres Lú Olo  mak hasai naran membru Governu nain 12,” hateten Manuel Tilman.

Hatan ba kestaun ne’e Primeiru Vice Prezidente Parlamentu Nasional, Maria Angelina Sarmento hateten, atu dehan katak halo hela ninia toma konsiderasaun Prezidente Republika uza ninia poder konstituisional atu fiscaliza lista membrus governu ne’ebe Premeiru Ministru indizitadu nomeia

Tuir konstituisaun Prezidente Republika mos iha kna’ar liga ninia servisu ho orgaun soberania sira seluk, maibe  liga mos ba konstituisaun artigu 34 hateten arguido hotu ne’ebe iha prosesu hela konsidera sira nudar  prejunsaun inosensia bainhira tribunal seidauk deside ka seidauk foti desizaun ruma atu fo sentensa maka sira sei konsidera inosenti.

“Ita nia orgaun soberanu ida idak, no orgaun soberanu 4 ne’ebe hatu’ur mos kona-ba separasaun de poderes  maske iha intredependensia ba malu,” hateten Maria Angelina Sarmento.

Nia salienta katak, iha interpendensia ba malu entermos de konstituisional PR  mos atu kaer  iha konstituisaun artigu 34 ne’ebe arguido hotu konsidera prejunsaun inosensia nia tranzito zulgada ona ka tribunal hamonu ona sentença ba nia

“Ita konsidera nia,  ema ne’ebe komete lalaok Estadu kuandu sei iha prosesu hela ema hotu ita konsidera inosente, iha prosesu ida ne’e, se PR mantein nia pozisaun, ita mos presija atu hare desizaun ida ne’e koerente ho PR nia desizaun fulan hirak liu ba ka la’e. Tanba iha VII Governo konstituisional liu ba PR la kestiona ka la uja nia poder konstituisional atu fiscaliza kandidatu sira ne’ebe sai arguidu iha Tribunal,” afirma Maria Angelina Sarmento.

Lee hotu :   Estensaun EE aprovadu la ho unanimidade ■CNRT UDT/FM vota kontra

Antes ne’e  Defensor Publiku, Sergio da Costa Hornai, fo hanoin ba timoroan hotu atu respeita servisu  prezidente republika (PR),francisco Guterres lu-olo nian,tanba lei fo dalan atu halo fiskalizasaun aspeito politiko no jurídico husi proposta Primeiru Ministru nian. Ety

Add to Comments Here!!!!

error: Content is protected.
Secured By miniOrange
You might also like:
PM TAUR SIMU RELATORIO HOSI GOVERNASAUN ALKATIRI

Iha loron dahuluk serbisu Primeiru Ministu...

KAZU BOBY SAI SASUKAT BA INJUSTISA IHA TL

Kazu Boby ne’ebe kondus kareta ho...

ABANDONA AULA FULAN UALU, ESTUDANTES EJIJI FUNDASAUN HASAI REITOR UNITAL

Estudantes Universidade Oriental Timor Lorosa’e (UNITAL)...

Close