JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

UDT PRONTU HO BANGKADA KETAK IHA PN

UDT PRONTU HO BANGKADA KETAK IHA PN

Partido União Democrática de Timorense (UDT), prontu hamriik mesak ho nia bankada rasik iha Parlamentu Nasional (PN) durante mandatu V lejislatura, tanba koligasaun FDD lakonsege ona atu unidu to’o tinan lima, hateten prezidente UDT, Gilman Exposto ba jornalista iha PN, Tersa(19/06/2018).

Gilman hateten, maske UDT hetan asentu iha PN liu hosi koligasaun pre-eleitoral iha Frenti Dezenvolvimentu Demokrátiku (FDD) hamutuk ho Partidu Unidade Dezenvolvimentu Demokrátiku (PUDD) no Frente Mudansa, inklui Partidu Dezenvolvimentu Nasional (PDN) ne’ebé konsege hetan asentu kadeira 3 iha PN, ne’ebé la inklina reprezentante husi PDN.

Maibe koligasaun ne’e rasik lakonsege lori to’o tinan lima, tanba laiha honestidade iha koligasaun nia laran.

Líder másimu UDT ne’e haktuir, lakon honestidade iha koligasaun nia laran, la’os foin mosu, maibe iha nanis kedas dezde prosesu eleisaun antesipada nian.

“Anunsia hotu ona, partidu tolu ne’ebé mai husi FDD sei hamriik ketak ho nia bankada mesak, Iha deklarasaun balun ne’ebé laiha honestu. Ne’e ita haree ba kotuk honestidade ne’e laiha kedas husi líder sira ne’ebé fo deklarasaun, ne’e tanba laiha duni honestidade ema balun husi koligasaun ne’e rasik, la’os balun de’it, maibe ami hotu-hotu laiha honestidade ba malu, la entende malu iha estatutu partidu nian,”hateten Gilman Exposto.

Líder másimu partidu UDT ne’e haktuir, líder partidu ne’ebé inklina iha koligasaun FDD ne’e deside ona hodi hakotu koligasaun liu hosi reuniaun no haruka ona karta ba Tribunal Rekursu.

“Buat sira ne’e deside ona iha ami-nia enkontru líder partidu 4 nian, iha dia 17 liu ba, ne’ebé buat hotu legalizadu ona, karta ne’ebé halo ona ba iha Tribunal Rekursu husi partidu 4 nian nia prezidente, vise no sekretariu jeral mak asina, no haruka ona ba, ne’ebé buat hotu-hotu hakotu ona, laiha tan problema,”dehan Exposto.

Lee hotu :   Armanda Berta-José Reis sei superviziona ministériu neen

Gilman esklarese tan, koligasaun FDD refere labele ona atu kontinua, tanba laiha ona entende malu ne’eb’e di’ak entre líder sira partidu nian iha koligasaun laran.

“Koligasaun ne’e nakfera ona, ita labele atu kontinua halo problema, di’ak liu ita hakotu problema ne’e, liu hosi reuniaun líder partidu sira, ne’ebé hotu-hotu konkorda por unanimidade atu hakotu koligasaun ne’e,”tenik Gilman.

Deputadu husi UDT ne’e afirma tan, nia parte sei kontinua fo apoiu bainhira bankada governasaun aprezenta buat ne’ebé di’ak no relevante ho povu nia moris, maibe sei kontra mós buat ne’ebé ladi’ak no la reprezenta povu iha uma fukun.

“UDT deklara ona, katak buat ne’ebé di’ak sei apoia, maibe buat ne’ebé ladi’ak sei kontra. La’os kontra ida hodi hatun malu, maibe kontra ida hodi husu para hadi’a, ami sei sai partidu ida ne’ebé maske nia reprezentante ida de’it, maibe konstrutivu hodi Parlamentu Nasional ne’e sai uma fukun ida ba públiku hotu,”dehan Prezidente UDT.

Antes ne’e, Prezidente Konsellu Polítika Nasional, Agostinho Gomes, anunsia ona ba públiku katak, ofisialmente koligasaun FDD dissolvido no labele atu kontinua tan, tanba lakon honestidade husi líder sira partidu polítiku ne’ebé inklina iha koligasaun FDD nian.Say

Add to Comments Here!!!!

error: Content is protected.
Secured By miniOrange
You might also like:
KOLIGASAUN FDD SAI BANGKADA TOLU

Partidu  Koligasaun  Frenti Dezenvolvimentu Demokrasia  (FDD)...

RUI MARIA FO XAMADA BA PESOAL SAÚDE IHA SENTRU SAÚDE VEMASSE

Ministru Saúde,  Rui  Maria  de Araujo...

POSE BA VIII GOVERNO, MEMBRU PNTL PELOTAUN 3 SEI FÓ SEGURANSA

Komando Polísia Nasional Timor-Leste (PNTL), Munisípiu...

Close