JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

IHA MOSAUN REJEISAUN, TANBA FRETILIN LAKOHI EDUKASAUN-SAÚDE BA POVU

IHA MOSAUN REJEISAUN, TANBA FRETILIN LAKOHI EDUKASAUN-SAÚDE BA POVU

Aprezenta mosaun rejeisaun ba programa VIII Governu, tamba FRETILIN lakohi edukasaun, saúde, no area báziku sira ne’ebé importante ba nesesidade povu nian.

Deputadu bankada PLP, Francisco Vansconçelhos, hateten, aktu bankada FRETILIN nian, diferensa ho pensamentu opozisaun nian, tanba seidauk diskute ho klean programa governu ne’e ba interese povu nia moris, maibe iha inisiu kedas hatama ona karta rejeisaun.

Deputadu ne’e prefere, bankada opozisaun aprezenta de’it porposta hodi hadía ka kompleta de’it programa, duke hatama karta rejeisaun hodi kontra tomak programa ne’ebé aprezenta husi Governu.

“Se sira hatene, hakarak duni ba povu nia di’ak, sira aprezenta proposta, karik iha opsaun ba area saúde, edukasaun, no seluk tan, para oinsa enkaixa mós proposta ne’e, depois mak ita haree, maibe inisiu de’it sira hatama tiha ona mosaun rejeisaun, ne’e signfika, sira bele diskute to’o iha ne’ebé de’it, maibe iha sira nia pensamentu ne’e rejeita tiha ona, katak sira la fó importante ba edukasaun, saúde, no area báziku sira ne’ebé importante ba nesesidade povu nian, sira lakon tempu de’it,”hateten deputadu Francisco Vasconçelhos iha Parlamentu Nasional, Kinta (27/07/2018).

Tuir deputadu PLP ne’e, laiha lójika bankada FRETILIN atu hatama uluk karta rejeisaun ba programa, antes diskute klean, tanba antes ne’e mós deputadu sira opozisaun deklara katak, programa VIII Governu laiha diferensa ho VII Governu nian.

Maibe la signifika VIII Governu kopia programa VII Governu nian, tanba kualker governasaun nia baze mak Planu Estratéjiku Dezenvolvimentu Nasional (PEDN) nian, nu’udar programa kontinuasaun, no nunka atu para, liu-liu iha area edukasaun, saúde, no seluk tan.

“Problema ne’ebé maluk opozisaun iha ne’e, la’os tanba programa mak la refleta ba povu nia moris, maibe pensamentu ne’e hakarak duni rejeita programa ne’e. Tanba ne’e mak ha’u dehan, laiha lójika ne’e, iha VII Governu ka iha governu ne’ebé de’it, kuandu ita seidauk implementa ne’e ita sei koalia to’o mate, iha nasaun sira dezenvolvimentu ne’ebé de’it, governu la hanesan, maibe atividade sei nafatin hanesan,”dehan deputadu PLP ne’e.

Lee hotu :   Lista pendenti kandidatu membru Governu 9, Taur desmente halo konspirasaun ho Lú OLo

Nia kontinua dehan, Governu la’os halo programa tuir de’it Governu nia hakarak, maibe Governu halo programa ne’ebé povu hakarak no reflete ba povu nia nesesidade bázika.

Entretantu, Deputadu bankada FRETILIN, Francisco Branco, deklara, bankada FRETILIN hatama karta mosaun sensura hodi rejeita programa VIII Governu, tanba konsidera programa VIII Governu ne’e la reflete ho nesesidade atúal ne’ebé povu hasoru.

“Ami-nia razaun mak programa VIII Governu ne’e la reflete liu ho nesesidade kontestu atúal nian, tanba ami haree fokus tinan 5 nia laran ne’e sei investe barak liu iha tasi mane, diferente ho kampaña Governu nian ne’ebé hateten sei investe barak liu ba infra-estrutura bázika hodi responde ba povu kbiit laek nian,”hateten deputadu bankada Fretilin, Francisco Branco, iha plenária ba diskusaun programa daruak nian.

Tuir deputadu opozisaun ne’e, Governasaun AMP laiha kapasidade atu ezekuta mehi bo’ot ne’ebé iha.

“Ami haree katak laiha kapasidade atu ezekuta mehi bo’ot ida ne’e, mehi bo’ot ne’e mós lahatene loos nia investimentu hira? tanba ami haree hanesan fali lista ba merkadu ita la hatene lori osan to’o ka lae? no sasan sira ne’e ba nesesidade uma laran nian ka lae?”dehan Branco.

Konstituisaun RDTL

Tuir Artigu 109 kona ba apresiasaun ba Governu nia Programa iha alinea 1. Programa Governu nian sei hato’o ba Parlamentu Nasionál atu hetan apresiasaun, no Parlamentu la funsionál karik, tenki konvida ka konvoka sira ba asuntu ida-ne’e; 2. Debate programa Governu nian labele liu loron lima, no to’o remata, grupu ida-idak iha Parlamentu bele husu atu lasimu, eh Governu bele husu votu konfiansa ida; 3. Atu lasimu programa Governu nian, tenke iha apoiu mai husi maioria deputadu husi sira- ne’ebé sei hala’o hela knaar.

Lee hotu :   Luis husu deskulpa ba igreza-sarani Katólika

Iha fali Artigu 110 koalia kona ba husu votu konfiansa, katak, Governu bele husu ba Parlamentu Nasionál halo aprovasaun ba votu konfiansa ida kona-ba deklarasaun polítika jerál nian eh ba asuntu seluk importante ba interese nasionál.

Tuir fali artigu 111 kona ba mosaun sensura nian, iha alinea 1. Ho inisiativa baluk-haat ida ¼ deputadu ne’ebé sei hala’o hela knaar, Parlamentu Nasionál bele halo votu sensura ida ba Governu, kona-ba nia programa eh buat seluk ne’ebé relevante ba interese nasionál. 2. Mosaun sensura la hetan apoiu karik, sira-ne’ebé asina mosaun ne’e labele aprezenta fali mosaun seluk, iha sesaun ne’ebé la’o daudaun.Say

Add to Comments Here!!!!

error: Content is protected.
Secured By miniOrange
You might also like:
MAL NUTRISAUN IHA TL ATINJI 40%

Ministeriu Agrikultura no Peskas no Ministeriu...

JULIO HORNAI: MEMBRU GOVERNU LABELE IHA SEGURANSA SIVIL

Komandante Jeral Polísia Nasional Timor Leste...

FRETILIN KESTIONA PROJETU 140 LAIHA KONTRATU ■PM TAUR HUSU APREZENTA FAKTUS

Deputadu bankada FRETILIN iha Parlamentu Nasional,...

Close