JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kandidatu membru VIII Governu naran tama TR tenke rezigna-an

Kandidatu membru VIII Governu naran tama TR tenke rezigna-an

Deputadu bankada FRETILIN, Joaquim dos Santos, husu ba kandidatu membru VIII Governu ne’ebé naran rejista ona iha Tribunal Rekursu (TR) atu rezigna-an an husi lista kandidatu nian.

“Tuir loloos sira ne’ebé hetan naran hetan kanselamentu ne’e, tenke husu rezigna-ansaun, para iha dignidade hanesan ema, públiku hatene, naran iha Tribunal, maibe lakoi husu rezigna-ansaun, saida mak subar iha buat ne’e nia kotuk?,”hateten deputadu Fretilin, Joaquim dos Santos liuhosi intervensoens diversus iha Plenaria, Segunda(09/07/2018).

Deputadu FRETILIN ne’e mós sujere, Primeiru Ministru VIII Governu Taur Matan Ruak, bainhira hili membru kandidatu ruma, labele ses husi nia kompromísu eleitoral, ne’ebé hakarak halakon korupsaun.

“Prejunsaun inosensia ne’e liga ba Tribunal, la’os ba iha kandidatu membru governu, se Prezidente repúblika seidauk hatene, iha elementu ida tama tiha ona Tribunal, loos ka sala, seiduak iha desizaun ida, maibe iha deskonfia tiha ona, mak nomeia, ita bo’ot sira hatene katak ne’e loos ka?, mak ikus mai Tribunal dehan hanesan ne’e, ita bo’ot (membru governu ruma) tenke ba kumpri iha prizaun tinan 10, entaun membru governu tenke halai mai liuhosi Parlamentu husu imunidade, ida ne’e mak ita lakoi akontese, mai subar iha Parlamentu ne’e, se ita hotu hakarak luta kontra korupsaun, ida ne’e lalika akontese,”dehan deputadu Joaquim.

Iha biban hanesan, deputada CNRT, Albina Marçal rekomenda ba Xefi Estadu, Francisco Guterres Lú-Olo, atu hatudu imparsialidade ba ema hotu, atu iha implementa kriteriu ruma, tenke válidu ba ema hotu.

“Ami rekomenda nafatin ba Prezidente Repúblika atu hatudu nia imparsialidade, atu nune’e bele rezolve problema iha rai laran,”katak deputada CNRT, Albina Marçal.

Lee hotu :   Pe MARTINHO''Desizaun PR Justu

Deputada CNRT ne’e mós garante, Xefi Estadu Francisco Guterres Lú-Olo sei la haluha juramentu posse ba Prezidente Repúblika ne’eb’e hatúr iha konstituisaun RDTL nian, bainhira Xefi Estadu simu posse.

Alende ne’e, deputada Albina mós rekomenda ba Prezidente Repúblika Francisco Guterres Lú-Olo, atu labele haluha votus apoiu ne’ebé CNRT fó bainhira nia parte kandidatu ba Prezidente Repúbika.

Antes ne’e, Primeiru Ministru, Taur Matan Ruak aprezenta naran kandidatu membru VIII Governu 40 resin, maibe  Prezidente Repúblika aprova de’it balun no haruka fila 10 tanba deskonfia komete krime ne’ebé rejistadu iha Tribunal.Say

Add to Comments Here!!!!

error: Content is protected.
Secured By miniOrange
You might also like:
Australia hakarak hametin kooperasaun ho TL

Nasaun viziñu Australia, alende hakarak hametin...

SekJer ONU kongratula VIII Governu “Prontu apoia dezenvolvimentu TL”

Sekretáriu Jeral (SekJer) ONU, António Guterres,...

Dezafiu foun ba MD Filomeno Paixão ■Taur husu orgaun titular labele sai obstakulu

Prezidenti Republika (PR), Francisco Guterres ‘Lú...

Close