JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

LERE: HA’U HALO POLÍTIKA BA DEFEZA NO SEGURANSA ■ LA KONTRA MAUN XANANA

LERE: HA’U HALO POLÍTIKA BA DEFEZA NO SEGURANSA ■ LA KONTRA MAUN XANANA

Xefi Estadu Maior F-FDTL Major Jeneral (Majen), Lere Anan Timur,  hatete, nia la’os halo polítika ba partidu ruma, maibe nia halo polítika ba defeza, seguransa no estabilidade nasaun nian, no nunka atu kontra Prezidenti Aliansa Mudansa ba Progresu (AMP), Kay Rala Xanana Gusmão ba krítika ne’ebé dehan Lere labele interven ba kestaun polítika.

“Ha’u la kontra maun Xanana. Dala ruma barak komenta no krítika dehan, ha’u polítika? sim ha’u politika duni, maibe ha’u politika ba defeza no seguransa no mos estabilidade. Maibe ha’u la’os polítika ba partidu ida, ne’e mak ha’u hanoin ita-nia maluk sira koalia ne’e mos tenki hanoin, iha krizi 2006 polítiku sira toba no balun halai, mauk moruk ninian mos polítiku sira toba no halai, no ema militar no  polísia mak tenki iha oin. Ha’u laos hanesan jeneral baibain ha’u jeneral veteranu, ha’u mai husi ai-laran jeneral kedas,  no ha’u-nia dever moral, tenki apela mos ba ha’u-nia maluk lider istóriku sira atu tur hamutuk fo solusaun ba krize hirak ne’e,”dehan Xefi Estadu Maior F-FDTL ba jornalista Kuarta (18-07-2018), hafoin remata enkontru ho Prezidenti Repúblika Fransisco Guterres ‘Lú Olo’, iha Palasiu Prezidensial Nicolau Lobato Bairo-Pite Dili.

Nia afirma,  Krize iha tinan 1975 la iha solusan no timor oan fila oho malu, no la akuza ema ida se mak los no se mak sala, ne’ebé halo sira balun mate ho inosente to’o krize tinan 2006 mos hanesan la hatene se mak autor ba krizi ne’e, no  sempre forsa armada mak krizi nia hun, mais agora politku sira responsabiliza galae, no ba impase politika agora ne’e nia la akuza ema ida  katak halo sala ka krimi.

Lee hotu :   FRETILIN konsidera Governu diskrimina fó subsídiu ba Jornalista

Nia salienta  tan , agora la bele justifika ho konstituisaun no justisa, maibe tradisaun nudar gerileriu, maluk balun ne’ebé mate tamba gerileriu no povu , tamba ne’e  tenki iha sentiment hadomi ba sira.

“Ha’u la kontra ha’u-nia maun Xanana, ha’u  hatete beibeik aman, aman. Mestri. Mestri. Ha’u kuandu presiza buat ruma, ha’u ba de’it nia uma  no ba ninia servisu fatin, ha’u-nia maun dala ruma hirus oituan ha’u, mas ha’u la sala buat ida,  ha’u la temi José ou Antonio naok ten, maibe  ha’u dehan impase polítika ne’e tamba saida mak iha, impase polítika ne’e tamba lista membru governu nian, ne’ebé Prezidenti mos la hatete mai naran sira ne’ebé iha lista, ne’e ha’u la hatene’” hatutan Lere.Oly

 

Add to Comments Here!!!!

error: Content is protected.
Secured By miniOrange
You might also like:
XANANA: AMI LA PARTISIPA KM TAMBA LIU ORAS SERVISU

Prezidenti Koligasaun Aliansa Mudansa ba Progresu...

OJE 2018 SEI KOBRE TINAN TOMAK

Ministru Estadu Prezidensia Konsellu Ministru, Agio...

KANDIDATU MEMBRU GOVERNU BALUN PR REJEITA, PTR DEOLINDO: NE’E KESTAUN POLÍTIKA

Prezidente Tribunal Rekursu (PTR), Deolindo dos...

Close