JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MOSAUN REJEISAUN FRETILIN LA PASA, PM TAUR: PROGRAMA GOVERNU BA POVU TOMAK

MOSAUN REJEISAUN FRETILIN LA PASA, PM TAUR: PROGRAMA GOVERNU BA POVU TOMAK

Hafoin loron tolu iha diferensa ideia entre deputadu Parlamentu Nasional (PN) ho Governu ba debate programa VIII Governu, maibe ikus mai programa refere pasa, tamba bankada FRETILIN nia mosaun rejeisaun ba programa Governu la pasa iha votasaun ho votus a favor 25, kontra 36 no abstensaun 4.

Hafoin votasaun Primeiru Ministru, Taur Matan Ruak, agradese ba deputadu sira ne’ebé halo debate maka’as ba programa Governu nian, programa VIII Governu nian ne’e ba povu tomak.

“Debate programa Governu iha diferensia ideia, maibe ne’e diak ba ita nia Estadu. Programa Governu ba povu Timor-Leste a favor ba povu tomak ba prosperu,”dehan PM Taur hafoin debate programa VIII Governu nian  PN, Sesta (27//7/18)

Primeiru Ministru, Taur Matan Ruak hateten, ba opiniaun no sujestaun deputadu sira nian ba programa VIII Governu, diak ba dezenvolvimentu nasaun.

Entretantu iha deklarasaun votus, bankada PUDD, Antonio de Sa Benevides, hatete, semana rua liu ba, debate iha uma fukun ida ne’e, iha diskusaun maka’as no insulta malu maka’as. Maibe PUDD sei apoia saida mak diak ba povu.

“Ha’u nia eleitor sira husu mai katak, ita bo’ot nia posisaun ne’e hanesan saida los apoiu Governu ka opozisaun? Ha’u dehan, apoiu governu ka opozisaun nee relative. Apoiu Governu bainhira Governu halo los. Ha’u vota abstein tanba ho onestu katak, ha’u preokupa ho jestor sira, ministru no sekretariu sira balu presiza aprende. PUDD lahanoin atu ba ukun hamutuk ho ita bot sira, maibe PUUD prontu atu ajuda ita bo’ot sria iha kualker tempu. Ita bo’ot sira-nia mudansa ne’e halo ona, no progresu mos halo ona, maibe espera katak, ho ita bo’ot sira nia bele halo progresu extra ordenaria tan,”dehan Antonio de Sa benevides.

Lee hotu :   Situasaun Oe-cusse, deputadu sira rungu-ranga malu iha PN

Husi bankada FRETILIN, Xefi bankada Aniceito Guterres, lakohi halo deklarasaun votus, tamba deputadu hotu iha poder hodi halo deklarasaun de votus, laos deklarasaun bankada.

“Ha’u la halo dekrarasaun tanba ita kontra rejimentu Parlamentu Nasional, tanba depois de votasaun la’os kada bankada sira mak tenki halo deklarasaun, maibe deputadu hotu. Atu ensera debate ne´e, Primeiru Minsitru mak halo mensajen ba povu, la´os kada bankada,”dehan Anniceto.

Ba preokupasaun ne’e, Prezidenti PN, Arão Noe, rekoñese salah, tamba nu’udar ema la ses husi sala. “Ha`u rekunese ha´u nia erro ne´e, no ha´u rekoñese ha´u sala duni, ha´u husu deskulpa,”dehan tan Arão.cos

Add to Comments Here!!!!

error: Content is protected.
Secured By miniOrange
You might also like:
IHA MOSAUN REJEISAUN, TANBA FRETILIN LAKOHI EDUKASAUN-SAÚDE BA POVU

Aprezenta mosaun rejeisaun ba programa VIII...

MAL NUTRISAUN IHA TL ATINJI 40%

Ministeriu Agrikultura no Peskas no Ministeriu...

JULIO HORNAI: MEMBRU GOVERNU LABELE IHA SEGURANSA SIVIL

Komandante Jeral Polísia Nasional Timor Leste...

Close